63

Les scoles da Djihinne.

3inme anêye

Initiation au Wallon (Normalisé) 3ème année (8 - 9 ans).

Sicoles di (Rfondou) Walon po les aprindisses di 3inme anêye.

Leçon 63: A la ferme.

Swessante-troejhinme luçon:

Al cinse.

Batisse et Mareye, c' est deus efants d' Nameur ki rivnèt e vacances a Xhoutsiploû, dé leu matante Tetene et leu nonke Popol.

C' est des cinsîs ki tnèt des vatches, des berbis, des poyes et des robetes.

Il ont eto ene cavale k' a fwait l' polin.

Å matén, Batisse et Mareye sognèt les poyes. I prindèt do grin dins leus mwins, et i criyèt : "pitit, pitit, pitit !"

So ç' tins la, li cinsî et l' cinsresse modèt les vatches.

Del vesprêye, il abruvèt les tchvås, et i côpèt del fôrêye po les robetes.

Po les scoleus.

Li luçon pout esse aprestêye tot rwaitant totes les biesses ki nos avans ddja rescontré dispoy li cminçmint di nos scoles: Vo ndè ci sacwantes, mins end a motoit des ôtes: singlé (sanglier) leçon 10, leçon 33; åwe (oie) leçon 7; bedot (jeune mouton) leçon 6; boû (bœuf) leçon 6; cokea leçon 39; copixhe (fourmi) leçon 46; moxhon (petit oiseau) leçon 8; rinåd leçon 29; tchet (chat) leçon 18; tchvå (cheval) leçon 3, tchivå leçon 29; tchén (chien) leçon 3; vatche (vache) leçon 3; vea (veau) leçon 39; cok d' awousse (sauterelle) leçon 46; dzi (orvet) leçon 46; zebe (zèbre) leçon 15; wesse (guêpe) leçon 7; robete leçon 21.