|
|
Evènements concernant la wallon. Etrevéns a vey avou l' lingaedje walon. |
|||||
|
|
Evènements concernant la wallon. Etrevéns a vey avou l' lingaedje walon. |
|||||
Dressêye:
Présentation de "Scrijheus d' Årdene".
Imådjes do strimaedje di "Scrijheus d' Årdene".
|
|
|
|
||||
|
|
A hintche: Djany Paquet eyet Laura Zéler, djoweuse dins l' dramatike "Les djoyeus coperes" di Vå-dlé-Rozire, ki va dire li tecse po rire da Maurice Georges: "End aveut assez". A droete: René Georges ki splitche les pondants et les djondants do pordjet |
|
||||
|
Cial djondant: Guy Mars, ki va dire, El gunouxhe, li séndje eyet l' djaeye da Louis Piron sins s' epîter. Tot a droete: di hintche a droete: Henry Lepage (sicrijheu), Paul Gilles (RTBF), Djihinne Mahin (riwaitante), Michel Francard (mwaisse-adjinçneu), Pablo Sarachaga (Li Ranteule) |
|
|
||||
Di hintche a droete: Joseph Lahaye (sicrijheu), Joseph Bily (sicrijheu), André Lhotte (sicrijheu), Maurice Georges (sicrijheu), Henry Lepage (sicrijheu), Louis Baijot (sicrijheu), René Brialmont (sicrijheu).
Quatrième Festival de la Chanson wallonne 2002
Cwatrinme " Festival del Tchanson walone "
Ci vénrdi 20 di decimbe ci, il ont tchanté e lingaedjes nacionås d' Walonreye, ca c' esteut l' concours del tchanson walone, å Triyanon a Lidje, transmetou e direk å posse di radio. Ci bele shijhe la esteut metowe so pî pal R.T.B.F.-Lidje, Frecwénce Walonreye eyet l' Union Culturele Walone.
I gn aveut shijh pårticipants, après les aclairixhaedjes :
Mimile di Covén.
Li djuri a stî compôzé d' Eugène Galere, Delegué å Consey Egzecutif di l' Union Culturele Walone (Prezidint); Stéphane Quertinmont, Sicretaire-assistant å Sicretariat djenerå di l' Union Culturele Walone (Peneu); Guy Cabay, riprezintant del S.A.B.A.M.; Myriam Foret, fijheuse del programåcion al R.T.B.F.-Lidje; Léon Freson, Riprezintant del S.A.B.A.M.; Georges Spineux, Directeur årtistike do "Forum" di Lidje; Jean-Pierre Tintinaglia, Oteur - compôzeu - interprete - ancyin loreyat do Pris del S.A.B.A.M.
|
|
|
|
Di hintche a droete: Léon Freson, Stéphane Quertinmont eyet Guy Cabay.
Rudy Castro, li wangnant di l' anêye passêye, a tchanté sacwants bokets tins ki l' djurî deliberéve. On tént ossu a fé rmårker ki Rudy, k' overe e Paris, a stî l' seu a prezinter ses tchansons e walon (mins i les prezintéve lu-minme, dismetant k' po les ôtes, c' esteut l' prezintresse del RTBF, Cathy Massart).
Dins les rwaitants, i gn aveut bråmint des djonnes, pus ki l' anêye passêye; c' est bon sene, ça vou dire ki l' Festival prind des plantches, et k' i va divni èn evenmint k' on s' rafeyrè tos ls ans d' vey ariver. Adon, les tchanteus i vénront pus voltî ossu; on n' assaetche nén les moxhes avou do vinaigue, nome !
Jesebel a stî l' årtisse li meyeuse po l' djuri ki lyi a don rimetou l' Grand pris 2002 (990 euros : Pris del S.A.B.A.M.), mins eto l' meyeuse ossu po l' publik (370 euros : Pris del Province di Lidje), les rwaitants k' avént åk a dire po on côp, et ki n' s' î trompèt nén.
Ç' a stî adon ene foirt bele wangnante, et çou ki n' djinne nén, ene djonne et nozêye comere; avou ene bele et boune vwès, ki poite dins tote li såle; on bon djeu d' sinne (ça n' si voeyeut nén å posse, bén seur, mins mådjinez on clip ou on concert par egzimpe). Ene des tchansons k' elle a prezinté, "Walofone blouze" est ossu ene tchanson avou on messaedje, c' est èn apel po k' on rdjåze li walon, et l' aprinde ås efants.
C' est Mimile k' a-st avou l' pris des schoûteus del RTBF Frecwénce Walonreye (370 euros : Pris del SNR Djåzans Walon); po si deujhinme pårticipåcion, lu k' aveut ddja yeu on pris, est asteure ricnoxhou på grand public avou des tchansons modienes. Alez Mimile, on ratind ene plake, seur k' ele si vindrè bén !
L' Ewaeré leu, avou s' binde "Foron eko", et ses airs di rokeu, s' a veyou rmete li pris del meyeuse tchanson oridjinåle, tchoezeye på djuri (370 euros : Pris del Redjon Walone). Ci binde la a tot çk' i fåt po fé triyaner ene sale rimpleye di djonnès djins.
Ça fwait k' i gn a èn ome k' a moussî foû del sale avou troes pris, il ére åjhey a ricnoxhe ca i dmeure todi dins ls alêyes, come les pexheus, il a todi s' xhame avou lu ! Boune pexhe, André, s' a-t i dit e moussant foû !
Vos l' avoz ricnoxhou, ç' côp ci, noste André Gauditiaubois, li parolî da William Dunker et d' mwintes ôtes bons tchanteus walons. I n' si discoraedje djamais l' ome, ca çk' il a dins l' tiesse, i n' l' a nén e cou l' André ! Il a bouxhî foirt ci côp ci pusk' i sinéve les bokets d' Jesebel et d' Foron eko. Proficiat a l' André k' a todi ene bele tchanson a saetchî foû di s' pene.
Cåzu totes les tchansons estént "modienes", dj' ô bén avou ene ritmike, on stîle ki rshonne åzès tchansons e francès k' on-z ôt å posse. Çou ki vout dire, ki ces tchansons e walon pôrént tot ossu bén passer å posse ossu. C' est nén do costé del tchanson eyet del culteure walone k' i gn a-st ene pire al roye. Li produccion di tchansons e walon n' est nén pus måle ki l' produccion di tchansons e francès. C' est do costé des medias di masse ki les eguegnes vinèt .
I nos fåreut-st ene Radio Tévé Walone.
Pire Otjacques et Pablo Saratxaga e rpoirtaedje so plaece, divins: Li Ranteule l° 24 (ivier 2002).
Michel Lefevre : " Grand Pris del tchanson walone 1999"
C' est ci vénrdi 3 d' decimbe ci al nute, ki dj' ans polou vni, å " Festival del Tchanson walone " å Trianon a Lidje. Ene bele grande såle di spectåke, et li prezintåcion pa on Guy Lemaire bén plaijhant, et cåzant walon, dinént al shijhe ene air di fiesse. Dj' ans oyou eto, l' plaijhi d' schoûter après l' concours, kékes tchansons da Guy Cabay, " li pus braeziyin des Walons ", ki prezintéve si nouve plake. Gråces mwintes côps ås deus Guy.
Damadje ki l' såle n' esteut k' a mitan plinne, ça mankéve di tchåleur; fåt dire kel RTBF k' adjinçnéve li concours, n' a nén fwait bråmint d' publicité, ni d' propagande po ç' djoû la. Li wangnant do djoû, ki dj' ans oyou l' plaijhi d' boere on vere d' Orvå avou lu après, nos a conté, k' on n' lyi aveut nén dit k' i pleut vni avou ses soçons po l' ecoraedjî. Po ene tchinne d' informåcion, li RTBF djowe co pus vite li " dzinformåcion ", c' est meyeu martchî. Pont d' djournalisse non pus, ci djoû la, on seu fotografe, et pont d' camera, ni del RTBF, ni del tchinne redjonåle, sabaye s' il avént stî invités ?
Dins li grande såle, dj' ans polou tchaker dins nos mwins, po-z aplôdi les cwate årtisses seleccionés. Siya ! Vs avoz bén lî : 4 tchanteus seulmint seleccionés, so les dijh ki prezintént leu cantidateure. Et relîs sins eprouve di seleccion, mon parant ! Neni, d' après ene DAT u ene cassete avoyeye, on moes dvant, il ont stî tchoezis. Sabaye si les organizeus avént peu ki l' såle soexhe trop ptite, ucobén ki l' shijhe deure trop lontins... Portant, a 11 eures, dji mousséns foû, da. Eureuzmint kel nouve cafétaria, bén rassonrêye, nos ratindeut, avou nosse Paul Lefin k' aveut sogne di ses invités.
Vinans è al shijhe, dabôrd, c' est po ça k' dj' esténs la ! Li prumire canditate, oneur ås dames, vineut del Principåté; ele si lome Pascale Bury; ele nos a tchanté troes belès tchansons tradicioneles : " Walonreye ", " Li ptit gamén d' djus d' la " so ene air di valse, et " ...les alêyes do Park d' aclimatåcion "; avou leye, li payis d' Lidje a trové ene nouve Annie Cordy, li minme vwès, li minme crolêye blanke tiesse, et l' minme djesse po trosser l' cote ! Si vs divoz animer ene shijhe dins on hôme, houkîz la, vos è sroz foirt binåjhe. Pu Guy Lemaire nos a prezinté li deujhinme candidat : Pascal Heringer ki vént del province do Hinnôt, tere di tchanteus walons, come les deus candidats ki shuront. Et dire ki les djins do Hinnôt k' estént la po ls ecoraedjî, si plént conter so les doets d' ene mwin ! Fåt croere k' i n' riçuvet nén l' Adjinda Culturel Walon d' l' UCW. Gn a k' lu k' a-st anoncî l' shijhe. Avou Pascal Heringer, li payis d' Châlerwè a trové on noû Claude François, k' a " revé d' ene Waloneye ", mins ki n' vout nén " viker come on bedot " ! On tchanteu k' a del vwès et k' a l' esperyince del sinne. N' a-t i nén wangnî tins d' l' esté, li pris del tchanson walone del veye di Châlerwè ! Adon come troejhinme candidat, Marc Keiser, a monté so li scanfår, avou si acordeyon. I nos a fwait pinser a nosse Julos, avou ses tchansons et si accint d' flamind d' Ostende. Si troejhinme tchanson, ene istwere k' il a viké, tuzêye d' après li cene da Lolotte, lyi a valou on merité pris del meyeuse tchanson. Li cwatrinme candidat k' a monté sol sinne, a schapé l' Festival : Michel Lefevre. I vneut do payis d' Ate : li vert payis, come i l' dit lu minme. Ses tchansons e walo-picard, avou des tecses d' actuwålité, mins ossu des bokets po fé rire di nosse societé : " Dioxine boogie ", " Plache a crotes ", et bén seur " Si t' es d' ichi, pâle come ichi " ont rawaeyî les djins, ki tchaként dins leus mwins, so les airs di rokenrol des bokets. Li pris d' interpretåcion, i l' a wangnî hôt la mwin. I l' aveut bén merité, pusk' il a oyou eto li " pris do publik ". Et avou ça, il irè rprezinter li Waloneye a Paris. Alaboneure Michel et les ôtes bén seur pol boune shijhe k' on-z a oyou tot vos schoûtant. Merci eto å djuri k' a bén vôté, on-z î pleut vey : Véronique Roba, Bruno Picard, Stéphane Quertinmont, Paul Bolland, Jacques-Yvan Duchesne, et on rprezintant del RTBF.
L' adresse do wangnant : Michel Lefevre (moenneu del binde Lariguete, ki tchante e picard, et k' a ddja prodût deus CD), avenue Jouret, 57 a 7800 Ath.
Pire Otdjåke, divins: Coutcouloudjoû l° 53, djanvî 2000.
(Si des mots difficiles se présentent à vous sur ces pages, allez voir s'il ne sont pas expliqués dans le Splitchant motî do walon (avec brève traduction française).
(Page des textes en wallon sur les langues) Li pådje des lingaedjes.
(Page des textes sur l'action politique en faveur du wallon) Li pådje del politike pol lingaedje walon.
(Page des textes de réflexion sur le wallon). Sicrijhaedjes sol walon.
(Back index par sujet) Alans rzè a l' edesse des sudjets.
(Back homepage) Alans rzè al mwaisse-pådje
(Back textes en wallon commun) Ralans sol pådje des scrijhaedjes e rfondou walon
Sicrijhaedjes eplaidîs so les fyis avou l' åjhmince des scrijheus.
Édition "on line"explicitement autorisée par les auteurs.
Videyo d' on court passaedje do djhaedje di "
