|
|
Les scoles da Djihinne. 3inme anêye |
|
|
|
Les scoles da Djihinne. 3inme anêye |
|
Initiation au Wallon (Normalisé) 3ème année (8 - 9 ans).
Sicoles di (Rfondou) Walon po les aprindisses di 3inme anêye.
Leçon 49: Le diasystème "xh".
Cwarante-nouvinme luçon:
Li betchfessî xh.
Pitchete fiestixh ses ans.
C' est ouy ki Pitchete a ses ans.
Elle a fwait do pexhon a magnî et priyî ses soçons et soçondjes pol vini fiesti.
On bouxhe a l' ouxh: c' est Midjete
- Kéne angoxhe! Dji transixheu ddja. Dji croeyeu ki ti n' vénreus nén.
- Dj' a prin å court pa les bwès. Dji m' a brouyî d' voye; dj' a toumé å mitan des bouxhons, et m' epîter dins les coxhes et les ronxhes.
- Ouxh, ti ! T' ass fwait må ?
- Dj' a on boursea ki crexhe co.
- Tén, la l' moxhon Berike. Evoyans lu cweri del cråxhe a l' apoticåre.
- Vocial li tchena avou m' bistoke : on texhou; djel texha mi-minme di l' ivier. Mins asteure, il est plin d' copixhes.
- Djel va mete el bouwêye: ele rexhront docô.
Po les scoleus.
Atuzlêyes sol betchfessî xh (e francès).
Bråmint des mots ont ddja stî veyous dins les lçons del prumire et del deujhinme anêye.
Co sacwants ponts.
ele fiestixh: viebe fiesti, del 4inme sôre di codjowaedje (come fini). Li cawete -ixh est tipicmint lidjwesse (ele fiestih'), mins on l' ôt eto el Hôte Årdene (ele fiestihy'), et, dinltins, minme pus a Nonne (ele fiestich'). Ôte pårt, li viebe est d' ene ôte grope: ele fiesse, ele fiêsse, ele fêsse.
Pådje moennrece del troejhinme anêye
