Des pages d'histoire à découvrir à travers des textes wallons (4):

Des bokets d' istwere dins des bokets d' walon.

(4) La fin du 19e siècle (1836-1899).

(4) li fén des anêyes 1800 (1836-1899).

 dierin rapontiaedje - last update: 2004-04-08.

 Dressêye:

Belgique. El Beldjike.

• 1830: Joseph Lebeau, membre du gouvernement provisoire, accueille Léopold Premier. Djôzef Li Bea.
• 1880: Sentiments patriotiques: Textes écrits à l'occasion des 50 ans d'existence de la Belgique (1880). Efants del Libe Beljike (Henri Bonhomme, 1878); Vive li Beljike (Cråmignon nåcionå) (J.G. Delarge, 1878).

International. Eternåcionå.

• 1856: La guerre de Crimée. Li guere di Crimêye.
• Guerre de 1870: lettre en wallon d'un Malmedien engagé dans l'armée allemande.

Evolutions des idées. Li candjmint des idêyes.

• L'éternel discours maso marque le début de la littérature wallonne à Namur. Siermon so les pasmints d' tins des femes åtoû d' leus tweletes.
• Evolution des idées sur le travail: Les ovrîs-patrons, veyous pa Karl Marx, Leyon XIII eyet Tchåle de Gaulle (L. Mahin).
• 1894: La Charte de Quaregnon (fin des grandes grèves) Li påye di Cwargnon (Lorint Hendschel).

Environnement. Evirounmint.

• 1857. Le début de l'extinction des loups en Wallonie: Istwere vraiye do payis des leus (E. Benoit).

Li påye di Cwargnon

vôtêye li 26 di måss 1894.

1. Les ritchesses eyet les usteyes po nozôtes ovrer et fé del ritchesse, did dou çki ça vént ? Soeye-t i k' ça provént del nateure, soeye-t i k' ça provént di l' ovraedje di nos djins: nos tayons et ratayons, u les djins d' ådjourdu. I nos fåt rwaitî totes ces ritchesses la come li patrimoenne di l' umanité tote etire.
2. Des djins k' i gn a, des soces k' i gn a, ont l' droet d' alouwer ci patrimoenne la a leu shonnance. Mins ça n' doet esse fok po siervi l' societé tote etire et po waeranti ki les djins åyénxhe tertos li pus di liberté et d' binåjhté ki s' pout.
3. Çoula, c' est l' såme [but ultime], todi. Mins ci ideyål la ni såreut skepyî tant ki l' capitalisse egzistêyrè. Les capitalisses, el fåt bén ricnoxhe, ont côpé l' societé e deus classes montêyes ene siconte di l' ôte. Vos avoz l' classe des mwaisses-tinants [propriétaires] k' a tos les béns sins fé aler ses bresses. Di l' ôte des costés, vos avoz l' ovrante classe: c' est leye ki boute sins rlaye, et co esse oblidjeye di pårti l' frut di si ovraedje avou les mwaisses-tinants.
4. Les ovrîs ni sårént esse dislaxhîs pår, fok si l' societé d' enute candje totafwaitmint, et k' on oistêye les classes podbon et po todi. Ci candjmint la serè bon po les ovrîs, come di djusse, mins il ahesrè eto totès sôres di djins pattavå l' daegn. Oyi, mins i va disconte des près interesses des mwaisses-tinants ! C' est po ça ki c' est les ovrîs k' i fåt ki s' afrankixhexhe zels-minmes. Ça n' elzî tchairè nén el boke tot fricassé.
5. Po l' economeye tourner å mî, les ovrîs divront waitî ki tchaeconk si poye siervi des usteyes di produccion cwand c' est k' i vout, et sins dveur payî po. Adon, i nos fåt ene societé wice k' on boute eshonne, et nén tchaeconk di s' costé. Dins ç' societé la, les djins divnèt tertos mwaisse-tinants des béns del nateure, et des usteyes po-z ovrer.
6. Li candjmint do môde capitalisse eviè l' môde colectivisse serè-st aloyî a des ôtes candjmints:
   

   a] dins l' moråle: i fåt ecoraedjî les sintumints d' amour po ls ôtes ey aprinde a s' copler n' on l' ôte.

   b] dins l' politike: l' Estat ni doet pus siervi k' å manaedjmint do tos-les-djoûs. Les socialisses divèt cweri a-z afranki les proletåres economicmint, morålmint et politicmint. sins rovyî ki l' economeye c' est l' prumî d' tot des prumîs d' tot [priorité des priorités]. Nos avans bén veyou ki c' est l' amonçlaedje di cwårs dins les mwins d' ene seule classe k' a fwait ki ces djins la ont divnou mwaisse tos costés.

Li Bon Mestî des Ovrîs:

1. si rwaite come li rprezintant del classe des ovrîs, come di djusse, mins di totes les ôtès spotcheyès classes, avou. On n' end a d' keure di kéne nåcion k' i sont, ni d' kéne raece ni d' ké seke, et co moens kéne rilidjon k' i pratikèt.
2. riclame ki les socialisses di tos les payis si dvèt copler n' on l' ôte. Li dislaxhaedje des ovrîs ni s' frè nén nåcionålmint mins e livea eternåcionå.
3. ridit co on côp ki, po leu lûte siconte del classe capitalisse, les ovrîs divront avou on toû di pus ki l' diâle. Dj' ô bén k' i dvront awè tos les toûs. Aprume tot si stitchant dins tos les egurnaedjes del politike, tot montant des frankès soces et tot csemant sins låtche les mwaissès atuzes socialisses.

ratounaedje do francès pa L. Hendschel, 1995, nén eplaidî.

Li guere di Crimêye.

Cwand Napoleon III moenna guere al Rûsseye, e 1854, po dislaxhî France des ebertacaedjes do cossina d' Wîne [traité de Vienne], gn aveut co dins ses årmêyes, des Walons (francès) do Payis d' Djivet, eyet des bonapartisses (bedjes) do payis d' Dinant et d' Nameur k' avént ebagué e France. Cwand Mac Mahon prinda Malakof, e 1856, et-z oblidjî les Rûsses a bizer evoye di Sebastopol, les sôdårds walons (eyet francès) ont fwait camaeråde avou l' boune pogneye di Walons del Grande Årmêye, ki s' avént astalé rola. End a co ene volêye did zels, copurade les Beljes, k' ont yeu meyeu di dmaner a rtchåfer leus warbeas å solea et boere li bon vén et l' champagne di Crimêye, ki di rivni s' edjaler å trô al bijhe del Walonreye.

Li novea tsar, åraeze, n' esteut nén disconte, k' i gn åyaxhe des colons po-z ahiver el Crimêye. C' esteut todi ça d' teres ki les Tatårs n' årént nén. Dedja a ç' moumint la, åraeze, les Tatårs avént stî ametous d' aveur fwait avou les Turks, leu-z aloyîs istorikes, (k' estént adon avou ls Inglès et les Francès). Ça fwait ki les Tatårs fourît ctchessis come des tchéns, eviè les payis otomans: li plinne del Dobroudja (inte li Romaneye eyet l' Bulgareye d' asteure), u eviè Istanboul. Di 1856 a 1862, les Rûsses reyussixhît a evoyî evoye 800.000 Tatårs di Crimêye, k' ont leyî la leus måjhons et leus teres, po plou cotinouwer a poirter vete pea.

Lucyin Mahin, divins: Vera.

 (Back menu des textes historiques) Pådje moennrece des scrijhaedjes so l' istwere

 Si des mots difficiles se présentent à vous sur ces pages, allez voir s'il ne sont pas expliqués dans le Splitchant motî do walon (avec brève traduction française).

(Back homepage) Alans rzè al mwaisse-pådje

 (Back index wallon commun) Eviè l' pådje moennrece do rfondou walon.

 (Back textes en wallon commun) Erdalans sol pådje des scrijhaedjes e rfondou walon.

Sicrijhaedjes foû abondroets (les scrijheus sont moirts dispu pus d' swessante ans), u eplaidî avou l' åjhmince do scrijheu.

Textes hors droits ou édités en ligne avec autorisation de l'auteur. Reproduction et adaptations autorisées en citant la source Internet.