dierin rapontiaedje - last update: 2004-02-14.

Dressêye:

• Souvenirs d'Albert I à Ciergnon: Nosse Grand (Mme Cambier).
• Chanson humoristique sur la fenaison: Drî ene hougnete.

Drî ene hougnete

so l' air "Dins les rouwales" (F. Loriaux).

des hougnetes

 Les tchirs vîs soçons d' Mårtoujhin

M' ont scrît on londi å matén;

I m' dijhnut k' il årént si bon

Do rlére mes prumîs vers walons.

Come i m' ont-st apris leu patwès

I m' shonne k' i sont bén dins leu droet,

Do vleur ki dji rtrove dins m' makete

"Drî one hougnete" !

Po l' Dor Evrård et l' På Dumont

Et tote li nûlêye di soçons,

Dji m' va passer l' nute tot tuzant

Po rfé l' minme k' i gn a cwarante ans;

Et po leu fé co pus plaijhi

Djelzè promet ki dj' va sayî

Do fé mete on djoû s' l' Etrernete:

"Drî ene hougnete"

Cwand c' est l' fenå-moes å viyaedje,

Maria todi m' feye, ké dalaedje !

On voet, on côp k' i lût l' solea,

Les feneuses avou leu rustea,

Dins des vweteures, des ptits efants,

Et pa l' mwin les cias k' sont pus grands,

On les met subtilmint e coete

Drî one hougnete.

On côp k' c' est l' eure do zels mougnî

Ele rissaetchnut foû d' on panî

Do pwin, do boure et do djambon

Et po les tot ptits des bubrons

Ossi rade k' elle ont marindé

Divant di s' rimete a fener,

Ele fwaiynut ene pitite sokete

Drî ene hougnete.

Si l' dimegne on voet les galants

S' amoenner bén pus timpe ki dvant

Po vni cweri leu crolêye mayon,

Ç' n' est nén po danser l' rigodon;

I s' vont pormoenner tot bonmint

Dins les campagnes, a môde di rén,

Po s' diner on betch a picetes

Drî ene hougnete.

On voet des vîs d' cwatre-vint ans

Ki s' tinèt pa l' bresse tot xhaltant,

Tot tronnant i dit: M' viye amour,

Vinoz nos irans vey les fours.

Et cwand i n' savèt pus shofler

I sont bén binåjhes d' ariver

Po-z aler s' ripoizer ene miete

Drî ene hougnete.

Cwand c' est l' dierin djoû, k' al vesprêye

On voet ndaler l' dierinne tchertêye,

Al plaece k' ele serént bén djoyeuses,

Ki do contraire, totes les feneuses

Ont bén l' cour gros e-z eralant,

Et sondjî etot s' ritournant

Pupont d' betch, di coete ni d' sokete

Drî ene hougnete !

Mme Cambier, divins: Shijhes et Paskeyes, Vers l' Avenir.

 Si des mots difficiles se présentent à vous sur ces pages, allez voir s'il ne sont pas expliqués dans le Splitchant motî do walon (avec brève traduction française).

 (Index des auteurs présentés sous forme pré-normalisée) Djivêye des scrijheus eplaidîs dizo cogne årmonijheye, mins tot wårdant ene miete l' accint. (Index des auteurs dont les textes sont disponibles en wallon commun) Djivêye des scrijheus k' ont scrît u k' ont stî rashious e rfondou walon

 (Back textes en wallon commun) Erdalans sol pådje des scrijhaedjes e rfondou walon.

(Back homepage) Alans rzè el mwaisse-pådje

(homepage wallon commun) Alans rzè eviè l' pådje moennrece do rfondou walon.

Sicrijhaedjes eplaidîs so les fyis avou l' åjhmince des zwers del sicrijheuse.

Édition en ligne explicitement autorisée par les ayant-droit.