C' est l' paskeye d' on ptit gamén ki s' lome Mårtén.

On djoû, Mårtén va so s' djårdén.

I voet on lapén ki magne si pierzin.

I houke si tchén.

Li tchén vore sol lapén.

Vo n' la-t i nén k' i n' l' apice bén !

I rescontere si soçon Djulin, k' i va todi roter avou lu al måtche sint Foyén.

- Vén avou mi, twè, Djulin ? Nos alans ndaler peler l' lapén.

- Ass on coutea ?

- Neni, dji n' a rén ki côpe sor mi.

- Tén, vola l' minne, mins i s' lome "rivén mu".

- Iva, camaeråde !

Mins Mårtén ni parvént nén a discotaeyî l' lapén comifåt. Come il esteut tot kernaxhî, i l' a pindou dins on lénçoû, pol leyî rafroedi. Pu, al nute, i l' a metou trimper dins ene marinåde avou do blanc vén et des yerbêyes.

Li londmwin, il a priyî Djulin a dinner, et deus båsheles k' il avént stî a scole avou zeles: Mårtene et Djulinne.

I magnént d' bon cour, nosse cwatrinne.

Come dessert, Mårtene aveut apoirté ene tåte ås côrins.

C' est l' tchén da Mårtén ki n' esteut nén binåjhe : i n' a yeu k' les rleyons do lapén. Portant, s' i n' l' årént nén yeu …