Dressêye:

• Decimbe (Roger Delcour).
• Données sur le culte de Saint-Eloi et Sainte-Barbe en Ardenne méridionale. Sint Elwè et Sinte Båbe, deus Sints fiestis e decimbe (Les rcåzeus d' Bietrès, ramexhné pa P. Otjacques)
• Page spéciale Saint-Nicolas. Li pådje då Sint-Nicolai (e walon).
• Page spéciale Noël. Li pådje do Noyé e walon.
• Avenir sombre, au 21e siècle pour le culte de Sainte Barbe, Saint Eloi et Saint Nicolas ? Decimbe (Djina Spirito).

Decimbe.

Çoula passe radmint, ene anêye

Vocial decimbe, li dierin moes

Avou ses må-moitès djournêyes

Mins c' est l' bon tins po les gourmeus.

Roger Delcour, divins: Ligue wallonne, decimbe 2001.

Sint Elwè et Sinte Båbe, deus sints fiestis e decimbe.

"on ls a tchoezi, c' est po les poleur fiesti !" (Hinri)

1) Sint Elwè (on fiesse li Sint Elwè, å

masculin nos dit Mme Bacq - Sint Eloye (Marcel B.)

- Li ledjinde nos est contêye pa Leyon : Elwè esteut orféve, et il

aveut li reputåcion d' bén travayer; ça fwait ki l' Rwè

Dagobert lyi poite di l' ôr po fé ene corone.

Elwè fwait li corone dimandêye, mins la k' i lyi dmeureut co

d' l'&nbps;ôr; la dsu i rfwait ene deujhinme corone, et i poite les

deus å Rwè.

Cit-ci l' a felicité po s'n oniesté (gn a bråmint, k' årént fwait li

prumire corone, et k' årént wårdé li resse di l' ôr por zels) et

l' a astalé dins l' palås, pu don l' a fwait loumer Eveke.

- Il est fiesté dins les viyaedjes li prumî d' decimbe, pa les

marxhås, les gåraedjisses, les metalurdjisses, les mecanicyins et

tos les ôtes ovrîs do fier, les tchminås, les cinsîs; les

miclets (i dischindèt les bwès so l' aiwe) fiestèt ossu Sint Elwè.

- Dins bråmint des viyaedjes, on dit co ene messe, pu monsieu

l' curé benit les tchvås, les tracteurs, et co ls ôtes moyéns

d' transpoirt. Ci djoû la, tot l' monde va a l' eglijhe, minme li

pus grand socialisse.

- Bernard nos dit k' dins si redjon, les djins fjhèt l' fiesse li

semdi, et k' i rwaitèt di n' nén trop boere di gote, paski

les djindårs controlèt voltî les fiesteus.

Mme Bacq nos dit k' dins s' viyaedje, les djins metént kékes

francs d' costé on pô totes les samwinnes, po s' payî a

soper ç' djoû la; "nos fjhans "on tchén", et å Sint Elwè

nos l' frans bawer" !

- A Bertrès, les tchminås fjhént ene grande fiesse ci djoû la, il

årént boevou tote leu paye.

Ça fwait ki l' patron lzî dnént leus sous kékes djoûs divant

(il estént payîs totes les samwinnes, a ç' tins la),

po k' i les rapoirténxhe a leu måjhon (Ives).

C' est al Sint Elwè, ki Raimond a oyu si prumire tchike; il esteut

si sô, k' i n' åreut seu rivni tot seu

Come i n' saveut pus roter, ses camaerådes l' ont ratrinné;

et ses nouvès galotches ki frotént sol rote, n' avént

pupont d' betchete, cwand il a rarivé dvant s' måjhon.

Li fiesse s' aveut on pô pierdou, pask' i gn a pus grand monde

ki travaye å tchmin d' fier a Bertrès, mins dpu deus ans,

kékes bénvlants on rmetou ça e rote, et organizèt on cortédje

dins l' veye.

- Mareye Louwize, ki vént d' ene famile di marxhås a co oyou

cåzer des fiesses k' i fjhént ç' djoû la al foidje. A plaece, on î

boeveut l' peket, et les djonnes, udon les mecanicyins agricoles

djowént des farces ås djins.

- A Sint Hubert, les ovrîs ki boutént a l' oujhene Nestor Martin,

fiestént bén ç' djoû la; et les scolîs di l' sicole tecnike avént

condjî. A Tihandje, i gn a troes cintråles electrikes, leus ovrîs

ni rovièt nén ç' djoû la non pus, i s' ritrovèt å "Tihange 4" li

cafè k' est dvant les oujhenes.

2) Sinte Båbe :

- Patrone des bateus d' mene, des pompîs, des taeyeus d' pire,

des maçons, des djins d' årmêye, des carioteus.

- Li dicton : "Bårbete, Noylete, et Novelete, c' est totes

les troes l' minme djoû."

- El Fåmene, on fiesteut pus sovint Sinte-Båbe (Ives R.) ;

a Bertrès, les milêyes di feme alént påterner : elle alént e

porcession et tchantént li tchant d' Sinte Båbe, tot rotant.

Al tchepele di l' Sinte, sol voye des scayires, ele aloumént

des boudjeyes. Al nute, les djins dansént dins tos les cafès. (Ives G)

- Dins les scayires, les scayteus metént si statuwe å dzeu do

trô, mins ossu dins l' fond, po bén dmeurer padzo si proteccion

tins k' i travayént. Ele est rprezintêye avou ene epêye, et sovint

èn aloumire (éclair) å dzeu d' si tiesse.

Les rcåzeus d' Bietrès, cåzaedje ramexhné pa P. Otjacques, divins Coutcouloudjoû, l°&nbps;30, djanvî 1998.

 (Page de l'hiver) Pådje di l' ivier.

 (Back homepage) Alans rzè al mwaisse-pådje.

 (Back index par sujet) Alans rzè a l' edesse des sudjets.

 (Back index wallon commun) Eviè l' pådje moennrece do rfondou walon.

 (Back textes en wallon commun) Erdalans sol pådje des scrijhaedjes e rfondou walon.