Li bleu-blanc, on l' lome eto li BBB (bleu blanc bedje, mins ki s' divreut purade houkî Bleu Blanc Walon), ucobén li raece cabolêye bleuwe u cafloreye bleuwe, u bistatcheye bleuwe di Beldjike.

Dazår ki c' est li meyeute sôre di vatches a tchå sol daegn etire. Çou k' est a rilver, c' est leu contrumasses di tchå ki brokèt foû, ttossu bén al sipale ki so li schene do dos, des rins, sol cawî [croupe], les djambons et disk' å djeret.

Li rindaedje "carcasse / pwès evike " avind les 70 åcint, al boune, avou bråmint dpus d' beas bokets ki po les ôtès sôres di biesses. Tant k' al tchå, c' est del prumire, savoz, tot çou k' i gn a d' pus tinre - ça s' côpe come di l' åbusson [champignon] - et sins waire di cråxhe (on ptit 12 åcint).

Les vatches velèt, ene dins l' ôte, a 32 moes. Li termene velaedje-velaedje, leye, toûne åtoû des 13 moes.

C' est ene sôre di biesses ki fwait todi des veas cou-d'-polin, des tournés, sapinse k' on n' dit. C' est po ça ki, noûf côps so dijh - et co hay - fåt " botnirer " [littéralement: faire une "boutonnière" c'est-à-dire pratiquer l'opération césarienne].

Li fime d' on botniraedje (poirtraits saetchîs pa Pierre Otjacques).

Anonime, sol Pådje do Ministere di l' Agriculteure, 1997.

 (BBB sur le site de l'ULg) Li BBB sol waibe di l' Univiersité d' Lidje.

 (Page du herd-book BBB) Li pådje des Bleu-Blancs (live del hiede).

(Back homepage) Alans rzè al mwaisse-pådje.

(Back cattle breeding page) Alans rzè sol pådje di l' aclivaedje.

 (Back index par sujet) Alans rzè a l' edesse des sudjets.

 (Back textes en wallon commun) Ralans sol pådje des scrijhaedjes e rfondou walon.