Léon Warnant, poète wallon.

Leyon Warnant, on grand fjheu d' arimeas e walon.

 

 dierin rapontiaedje - last update: 2004-05-22.

Dressêye:


Tot seus.

 

Tot ewaeré di t' prumire båjhe,

T' as-st arouflé dvins nosse cotjhea,

T' as houmé les fleurs a hopea,

T' as potchté dvins tos les pazeas,

Et mes poreas;

 

T' as brai å Bon Diu

K' 'l esteut bea,

T' as minme fwait danser mi ptite soû.

 

Grand enocin !

 

I n a pus k' des strouks di cabu

E nosse cotjhea,

Et t' as-st e l' åme

Ki les båjhes di totes les comeres

C' e-st ene laide five.

 

I n a pus k' des strouks di cabu

E nosse cotjhea...

Et mi ptite soû.


L. Warnant, divins: Blames et foumires.


Biographie sommaire.

Ene pitite notûle so s' vicåreye.

Warnant, Léon (1919-?) sicrijheu e walon do payis d' Oreye, prof d' unif di s' mestî (linwistike francesse). A scrît e walon deus ramexhnêyes di powinmes: "Blames et foumires" (1953) eyet "Les anêyes et les voyes" (1955). A scrît eto des pîces di teyåte, dizo li spot di Léon Noël: "Li dictateur" (1960), "Såle 1417" (1961), "Et n' nos leyîz nén toumer el temtåcion" (nén eplaidé). E francès, a scrît ene banslêye d' ovraedjes sincieus dins s' mestî, et eto des scrijhaedjes e francès d' Walonreye: "Colâs Pîrlotche, écriveur" (1981), "Mon Mononke Colâs Pîrlotche et compagnie" (1981). Pådje da Leyon Warnant.


Troes des scrijhaedjes e walon da Leyon Warnant, eyet si siné.


L. Mahin et P. Sarachaga, coirnêye do splitchant motî.


 (Back homepage) Alans rzè al mwaisse-pådje.

 (Index par auteur) Indecse des oteurs.

 (Back textes en wallon commun) Erdalans sol pådje des scrijhaedjes e rfondou walon


Sacwants scrijhaedjes di cisse waibe chal polèt esse dizo abondroets; nos les rsaetchrans foû s' i fåt.

Some texts may be affected by copyrights and eventually need to be removed from this server in the future.