Page d' Edouard Thirionet.

Sicrijhaedjes e walon da Douwård Tirionet.

dierin rapontiaedje - last update: 2004-08-18.

Dressêye:


Dji vôreu bén.

 

Dji vôreu bén po dins m' viyesse

Ene blanke måjhone, des verts volets.

On rodje toet d' panes et sacwants biesses:

Des poyes, ene gade et on coshet.

 

Dji vôreu bén, po esse binåjhe

On ptit djårdén, d' on dmey bonî;

Dji l' arindjreu plin d' djoye, a mi åjhe

Tot tetant m' pupe di cerijhî.

 

Dji vôreu bén, po esse trankile

Didins m' ridant, sacwants pices d' ôr

Li boune botaye po e famile,

Deus beas djambons et pans d' lård.

 

Dji vôreu bén vey dé l' aistrêye

Po cure li djote et fé l' cafè

Ene tchire viye djin, todi bén gaiye

Ki m' couyonreut e tcherdjant l' feu.

 

Dji vôreu bén esse vî pere-tåye

Ki l' Bon Diu m' dene on ptit rdjeton.

Djouwer å tchår, ci sereut m' djoye,

Dji n' rouwe nén dipus k' on moton.

 

Dji vôreu bén... mins dj' piede li tiesse !

Non, taijhans nos ç' sereut trop bea !

Dji vôreu bén... Diè ! Ki dj' so biesse !

Vudîz m' ene gote, ça irè mia.


Edouard Thirionet, divins: Les Cayés Walons, lº 1, (2), 1937.


 Si des mots difficiles se présentent à vous sur ces pages, allez voir s'il ne sont pas expliqués dans le Splitchant motî do walon (avec brève traduction française), ou dans le Wikipedia, l'encyclopédie en wallon (suivez: "Pordjet Esplicant Motî").


 (Index par auteur) Djivêye des scrijheus. (dont les textes sont disponibles en wallon commun) Djivêye des scrijheus k' ont scrît u k' ont stî rashious e rfondou walon

 (Back textes en wallon commun) Erdalans sol pådje des scrijhaedjes e rfondou walon.

(Back homepage) Alans rzè el mwaisse-pådje

(homepage wallon commun) Alans rzè eviè l' pådje moennrece do rfondou walon.


Sacwants scrijhaedjes di cisse waibe cial polèt esse dizo abondroets; nos les rsaetchrans foû s' i fåt.

Some texts published on this site may be affected by copyrights and eventually need to be removed in the future.