Bestiaire surréaliste"

Marcel Slangen : droles di biesses

 dierin rapontiaedje - last update: 2006-08-03.

Dressêye:

 

Li coirbå

 

Les coirbås vikèt vî

Ci-cial est dedja d' ådje.

Fåreut esse araedjî

Po lyi prinde si froumaedje.

 

Li wandion

 

Li pôve wandion s' plaijhive si må

K' abaga-st a Tcherate

Surmint inméve-t i mî

K' on l' lomaxhe tchet-ratî.

 

Li cok

 

Li cok si håynêye

Tot fir so l' ansinî

C' esteut conter sins si cpagneye

Ki n' tuzéve k' a l' rabaxhî :

"Alez s' laver vos pîs !

C' est l' fiesse del Walonreye."

 

Le coq s'étale // Tout fier, sur le tas de fumier // C'était compter sans sa tendre moitié // Qui ne pensait qu'à le rabaisser // "Vas laver tes pieds : c'est les fêtes de Wallonie"

Li harin

 

- Dji n' vou nén di ç' pexhon la

Deus betcheyes et dji rnake !

- Magne çou k' t' as,

T' est on on ptit harlake !

- On est pô d' tchoi, dit-st i l' harin

Do vey on laid gamén

Ki vs tape a rén.

 

L' ôrimiele

 

Li tindeu al verdjale

Avou ses gros shabots

Dijheut a s' sour Nenele

"Alez, hay, catchans nos

vola èn ôrimiele"

"Dijhoz, don, djha l' oujhea

I' m shonne ki dj' a-st oyou

Ki çoula, c' est on no d' marlou.

Ni m' trovez vs nén l' air d' on milôr

Djhans, lomez m' måvi d' ôr

 

Les ritchåds

 

Ene cope di ritchåds

Firs di leus belès plomes

Volît - sint no di tchvå ! -

Tchanter amon Barnom.

Mins l' prumî ki cwincsa

Fourit télmint djinné

K' ossu rade, i rivna

Dizo l' tchinne da René.

 

Li rinne

 

Li rinne, on djoû

End ava s' sô k' on lyi djåzaxhe di boû.

Ci n' est nén la ki m' grand-mame

Nawaire, fayêye tarame,

Vola ravizer l' gros båbô.

Asteure, les femes

- Et les rinnes ecobén -

Ont ptchî d' esse come des inglitins.

 

Les tchéns

 

Li tchén d' corote ni tuze k' ås bretes

Li tchén d' tcherete a fwait ene ahote

Tolmonde a ses mehins.

I n' a ni biesses ni djins.

Marcel Slangen, foû di: Droles di biesses, Ed. Djåzans walon;

(sur CD) Vente et diffusion.

 Pådje moennrece da Marcel Slangen