Noersipene aveut rovyî ki c' esteut enute ki Pitchete aveut ses ans.

I fjheut prandjire e s' måjhone. Les soçons l' ont houkî å telefone.

- Passe å boledjî et apoite nos ene dorêye ås frambåjhes et ene tåte ås ceréjhes, por twè passer les bardouxhes.

I fjheut påjhûle dissu l' campagne. I lujheut l' solea, mins i bijhléve ene miete. Cwand il a arivé amon Pitchete, i n' esteut nén foirt a si åjhe. Pol rapåjhter, on lyi a fwait dire dijh côps li rima "Onk et deus, dj' a veyou l' leu". Mins i n' saveut pus k' deus royes: cénk et shijh, i meteut si tchmijhe; Nouv et dijh, i gn aveut del bijhe.

- Por mi c' est les pus åjheyes, dijheut i.

- Neni, dijha-t ele Pitchete, c' est les pus målåjheyes.