Dressêye:

• Toussint. Tossint
• Saint-Nicolas. Sint Nicolai.

C' est l' Tossint.

Cwand vos voeroz les djaenès djniesses dedja moites,

Epoirtêyes pal froede bijhe ki nos anonce l' ivier,

Ki vs soeyoxhe ritches ou pôves, ene pinsêye delicate

Vos frè rsondjî ås cis ki vs plorez co tofer.

A on fi ou ene feye k' esteut co al faxhete,

A on pere ki vs inmîz et ki vos l' rindeut bén,

Vos rpinsroz come al mere ki d' la-hôt vs fwait rizete,

Di minme k' a ds ôtes ki vs ont cwité bén amermint.

Vos les rvoeroz adon tertos l' onk après l' ôte,

Les ptits, kénès spitants, les grands, come vos strimant,

Et vs diroz po tchaeke onk, d' ene façon foirt devôte,

On påter, èn åvé sins pus plorer, portant.

Ca l' priyire est bén l' seule consolåcion so tere,

Ç' n' est k' par leye k' on pout rprindre bon coraedje e ç' monde ci;

Estant deurmint acsûs, afirdjîs pal mizere,

Ci n' est k' leye ki nos fwait sormonter les displits.

Ådjoûrdu c' est l' Tossint, et des moirts li grande fiesse,

So leus tombes, alez s' don vs adjnoyî et priyî;

Tos les cis ki n' sont pus ratindèt vos caresses,

L' oremusse di vosse pårt, sins vs el poleur criyî.

Achille Mossiat.

 (version dans le parler local du 20e siecle de Marche-en-Famenne) Modêye dins l' pårler d' Måtche e 20inme sieke.

 (Index par auteur) Indecse des scrijheus. (dont les textes sont disponibles en wallon commun) Indecse des scrijheus k' ont scrît u k' ont stî rashious e rfondou walon

 (Back textes en wallon commun) Erdalans sol pådje des scrijhaedjes e rfondou walon.

(Back homepage) Alans rzè el mwaisse-pådje

(homepage wallon commun) Alans rzè eviè l' pådje moennrece do rfondou walon.

Sacwants scrijhaedjes di cisse waibe cial polèt esse dizo abondroets; nos les rsaetchrans foû s' i fåt.

Some texts published on this site may be affected by copyrights and eventually need to be removed in the future.