Li betchfessî scrijha «oe».

OE

 

Li lete «oe» si dit:

Douvént çk' on scrît insi?

C' est seulmint dins des copes di mots insi ki s' prononcèt avou on «eu» (å pus sovint do costé di Lidje) ou on «wè» (å pus sovint do costé di Tchålerwè). Dins des mots come poere, i gn a k' ene pitite pårteye ki prononce peûre et on grand boket ki prononce pwêre (ou pwâre, k' est pus près do francès). Dins on mot come froed, c' est l' contråve: on dit freûd ou freud dins beacôp des coines del Walonreye.

C' est pus åjhey por vos si, dins vosse walon, on prononce tofer «eû» ou tofer «wè». Mins po des djins k' i gn a, li prononçaedje candje d' on mot a l' ôte.

Dins sacwants (råles) mots, li prononçaedje pout co esse ene miete diferin dins sacwantès coines do payis: froedeur (ki dvént pa côp frudeu), croeyince (ki dvént pa côp creyince), droete (ki dvént pa côp dwete), froed (ki dvént pa côp frèd)...

Por vos î rtrover

Prononcî «oe» come on «wè» n' vraiymint nén målåjhey.

Po les cis ki prononcèt «eû» ou «eu», vos n' avoz k' a sondjî å francès un oeuf, des oeufs, un oesophage, oenologie, etc.

Sovint, vos scriroz «oe» e walon cwand gn a on «oi» e francès. ou aprinde par keur.

Des mots corants

Boere (dji boe); boesse; bordjoes; coet; coehisté; croe; croejhler; croere (dji croe); dji doe (di divu ou diveur); doet (del mwin); droet; droete; froed; moes; muroe; noejhe; noer; ovroe; poes; rantoele; roed; soe; stoele; stroet; toele; toet; traitoe; troes; dji voe (di vey ou vir)

Lijhoz avou vost accint:

  1. C' est cwè k' ti boes cwand t' as soe?
  2. Dj' a froed mes doets, sol toet.
  3. I rôle trop roed et i fwait noer.
  4. Dji croe k' c' est trop stroet: nos n' pasrans nén.
  5. Dji doe dire k' il a bråmint candjî so sacwants moes d' tins.
  6. I sont drole vos ptits poes: i sont tot noers.
  7. Dji voe li stoele d' eyu çki li Ptit Prince a vnou.
  8. I vout spiyî des noejhes avou ses doets!
  9. Kén ådje a-t ele, vosse båshele? Nouv moes.
  10. Les bordjoes, c' est come les coshets...