Les scoles da Djihinne.

3inme anêye

Initiation au Wallon (Normalisé) 3ème année (8 - 9 ans).

Sicoles di (Rfondou) Walon po les aprindisses di 3inme anêye.

Leçon 53: Le diasystème "sch".

Céncwante-troejhinme luçon:

Li betchfessî sch.

Al tchantreye.

Pitchete, Midjete, Berike, Noersipene et Pwelelair vont tertos al tchantreye a Schaltin.

Les båsheles s' ashidèt so les tcheyires padvant. Li moxhon Berike, ki tchante come on raskignoû, dimeure sol schô da Pitchete.

Noersipene et Pwelelair si tegnnut stampés padrî, li schene do dos bén roede, droets come des I.

Ådjourdu, il aprindèt on canon, k' el tite, c' est "ti, l' vint". Ça va insi:

"Ti, l' vint, ti, li schoice-vint,

Ti ki schete li copete des sapéns

Ki bijhele, ki hoûle, ki hagne et ki shofele,

Ti l' vint… Ti, l' vint, ti, li schoice-vint …

Mins la Midjete ki s' brouye. Li mwaisse-tchanteu les fwait djoker.

- Vos estoz trop hôt, vos, Midjete. Dischindoz d' on ton. Tuzez ki les notes sont metowes come so ene schåle; i fåt esse sol bon schalon. Schoûtez bén l' air, et stopez vos orayes po n' nén ôre les ôtes.

Après l' repetaedje, il ont roisté les tcheyires, schover l' såle, et scheure li payasson.

Coprindans l' tecse.

Sayîz do responde ås kesses ki shuvèt:

  1. Wice ki les efants vont tchanter ?
  2. Kî çki s' ashît padvant ?
  3. Edou çki l' moxhon Berike si mete ?
  4. Est çki Midjete tchante djusse.
  5. Cwè doet ele fé po n' si nén brouyî ?
  6. Cwè çki les efants fwaiynut après l' repetaedje ?

 

Responses:

  1. a Schaltin.
  2. les båsheles.
  3. sol schô da Pitchete.
  4. neni (u: nonna !).
  5. ele doet stoper ses orayes.
  6. I roistèt les tcheyires, i schovèt l' såle, et i schoyèt l' payasson.
    u: I roisteynut les tcheyires, i schovnut l' såle, et i schoynut l' payasson.
    u: I roistèt les tcheyires, schover l' såle, et scheure li payasson.

 Luçon d' après.

 Luçon did dvant.

 Pådje moennrece del troejhinme anêye