Les scoles da Djihinne.

3inme anêye


Initiation au Wallon (Normalisé) 3ème année (8 - 9 ans).

Sicoles di (Rfondou) Walon po les aprindisses di 3inme anêye.

Leçon 54: Création d'une saynète.


Céncwante-cwatrinme luçon:

Amontaedje d' ene sinnete.

Egzimpe di sinnete amontêye a pårti d' ene sinne vikêye podbon po les efants. On ndè pout fé ene ôte.

Decôr et ahesses:

Ene måjhone avou les meubes k' on vout, mins gn è doet aveur ene pitite tåve avou on telefone dissu. Udonbén, li mame årè on telefone poirtåve e s' potche.

 

Les roles.

Djihinne

pitite båshele, 9 ans, ki ratind Sint Nicolai.

Djôzef

pus grand valet, 12 ans.

Moman

li mame, 40 ans.

li vwès da popa

ki respond telefone, did dirî l' sinne.

 

Li sinnete.

Djôzef est ki djowe avou on Nitendo ("game-boy").

replike l°

djåzeu(se)

airaedje et djesses.

djåzaedje.

01

Djihinne

tot amoussant

Bondjoû; Djôzef !

02

Djôzef

sins lever s' tiesse

Diewåde !

03

Djihinne

ele l' aduze

Cwè çk' on va bén dmander å sint Nicolai, sabaye ?

04

Djôzef

minme djeu

Mi, dji vou èn axhlåve (on GSM).

05

Djihinne

 

Et mi, dji vôreu bén on nitendo come vos.

06

Djôzef

rileve si tiesse

Et si on dmandreut ene boesse ås djeus () po nozôtes deus ?

07

Moman

k' esteut sol costé ki schoûtéve

C' est bråmint trop tchir po l' sint Nicolai, motoit !

08

Djôzef

k' a ddja tuzé a tot

Dj' alans cåler popa a si ovraedje po vey si c' est nén trop tchir.

09

Moman

 

Houkîz lu, vos, Djihinne; vos estoz si ptite kinete.

10

Djihinne

Tot cåzant å telefone.

Alo, popa, voci Djihinne. Nos vôréns bén ene boesse ås djeus (ene Plaistechene) a sint Ni…

11

Moman

tot bas tot lyi côpant l' xhuflot

Dimandez lyi d' ses noveles, da, po cmincî.

12

Djihinne

 

Ça vos va, nosse pa ? N' estoz nén trop scran ?

13

Vwès da Popa

 

Ça m' va, tchipete !

14

Djihinne

ki rvént drî rinne do côp.

C' est kécfeye trop tchir po sint Nicolai, ene boesse di djeu ?

15

Vwès da Popa

 

Fijhoz lyi todi vosse lete po lyi dmander.

 

On pout continouwer avou ls efants ki fwaiynut leu lete a Sint Nicolai.

Li lete å sint Nicolai:

Binamé Grand Sint Nicolai,

Nos vôréns bén ki vos nos pasrîz ene Playstation po djouwer nozôtes deus.

Come nos n' avans pont di tchminêye, moman a dit ki vos passîxhe pal buze d' anairaedje del såle di bagn.

Nos vos metrans des raecenes et do four po vost ågne.

Nos serans saedjes come des imådjes tot vos ratindant.

Sinés:

Djihinne

Djôzef


Po les scoleus(es).

Modele di pîce djouwêye podbon pa des grandès djins.

 


 Luçon d' après.

 Luçon did dvant.

 Pådje moennrece del troejhinme anêye