Dressêye:

• Li tåvlea da Francis Baudoux sol lomaedje des pîces en euro (Baudoux Francis)
• Le casse-tête des monnaies circulants jadis en Principauté de Liège. Li manoye å vî payis d' Lidje (N. Lequarré).
• La rentrée des billets émis pendant la guerre 40-45. Les sôs da Gutt (P. Brolet, rapexhî pa L. Mahin). Sovnances do rintraedje des sôs da Gutt (L. Baijot).
• Petit lexique des anciennes monnaie: Pitit motî so les viyès manoyes.
• Table de comparaison des monnaies en Principauté de Liège et dans les Pays-Bas espagnols puis Autrichiens. Tåvlea di rshonnance des nos des viyès manoyes e Payis d' Lidje ey ezès Payis do Rwè.

Table de comparaison des monnaies en Principauté de Liège et dans les Pays-Bas espagnols puis Autrichiens. 

Tåvlea di rshonnance des nos des viyès manoyes e Payis d' Lidje ey ezès Payis do Rwè.

*** pîces nén apougnåves pås ptitès djins --> pont d' ratourneures avou.

*** unité di mzeure.

*** pus ptite pîce k' on pleut co atchter åk avou --> ratourneure: esse a s' dierin(ne) ~.

*** pîce li pus corante; aveur des ~ = esse ritche.

*** pîces di waire di valeur --> èn nén aveur on ~ = esse foirt pôve.

La rentrée des billets émis pendant la guerre 40-45. 

Les sôs da Gutt.

C' est les sôs et les benefices k' on-z a fwait tins del guere. On ls a rintré po rwaitî les cis k' årént yeu fwait pår di trop d' wangnaedjes avou l' martchî noer.

On-z aveut bloké les trins, ca on l' a dit å dierin moumint. Nolu n' saveut bodjî, po-z aler discandjî dins les bankes å dfoû, u atchter åk. Dji sai bén ki l' Chôze aveut rivnou d' Brussele et k' i n' saveut pus eraler.

On djheut les sôs da Gutt, paski Gutt, c' esteut l' minisse des finances d' adon. Les sôs ki rintrént, c' esteut les vîs biyets et pîces di dvant l' guere et di tins del guere.

Tertos aveut droet a 5.000 francs. Li ci ki fjheut do comerce, vinde des oûs, do boure, des truks, del farene, des naveas, i ravént des noveas sôs do côp. Les ôtes divént ratinde ene cwénzinne.

Tins del guere, on dveut livrer ås Almands ostant d' kilos di s' culteure. Li resse, c' esteut po vosse manaedje magnî.

Gn aveut des cis ki n' declarént nén djusse po poleur vinde dipus å martchî noer. On-z a vindou des oûs a 1 mark (c' esteut 12,50 Frs). L' amagnî n' aveut pont d' pris. N aveut des djins ki vnént d' Brussele po-z atchter avår ci et pu rvinde a Brussele, et leu wangne, c' esteut leu porvuzion.

Gn a des cis ki wårdént les sôs da Frank. Frank, c' esteut l' minisse belje di dvant guere. Mins on-z a rintré les sôs da Frank ostant k' les sôs did tins del guere.

Et pu, on-z a ricmincî a zero.

Ramexhné li 2 d' setimbe 2001 dilé Djuleye Tchiyou, divins: Coutcouloudjoû, 75-76, octôbe-nôvimbe 2001.

 modêye Bassårdene.

La rentrée des billets émis pendant li guerre 40-45 (2).

Sovnances do rintraedje des sôs da Gutt.

Mes sovnances d' adon, c' est k' on tcherdjive al gåre di Graide des cartoches [pommes de terre] pol ravitaymint, et ossu po les cis ki travayént al Djeneråle di Banke. Les grossès soces endè plént fé planter dins des viyès pateures, po leu personel.

Gn aveut èn ome del Djeneråle ki vneut sorveyî tot ça. I provneut d' Djiblou. Et dji sai bén k' il aveut dit a nosse pére, k' i s' aléve passer åk li londmwin avou les sôs, paski zels vinént d' esse payîs avou tos biyets di 50 Frs (k' on n' a nén dvou rintrer).

Dj' avéns djustumint atchté on novea posse di TSF, pask' il aveut falou rpoirter l' nosse al comene, après k' les makis avént touwé on recsisse u deus et les minmes makis avént stî spiyî al comene tos les posses et les velos k' il aveut falou rintrer.

Dji m' rapele foirt bén ki dj' a stî a velo a Bive avou on bea biyet di 10.000 francs po payî l' posse, ki dj' aveu ramoenné sol velo. Surmint ki l' londmwin, li vindeu s' a råyî kékes tchiveas.

Dji m' sovéns co k' adon, dj' avéns rintré on pô des sôs francès ki dj' avéns rieu d' on tchertî ki nd aveut epronté a nosse pére divant l' guere po-z atchter on camion. On n' les a jamwais rveyou, paski dji n' avéns pont d' prouves. Ça fwait ki çou k' on-z aveut wangnî d' on costé, on l' aveut rmetou d' l' ôte.

Et dire k' i gn aveut k' a dire k' on ls aveut yeu ås Amerikins. Tos les cis k' ont dit ça ont rieu leus sôs.

Louis Baidjot, li 19 di setimbe 2001, divins: Coutcouloudjoû, 75-76, octôbe-nôvimbe 2001.

 modêye Bassårdene.

(Back index par sujet); Alans rzè a l' edesse des sudjets.

(Back homepage) Alans rzè al mwaisse-pådje

(Back textes en wallon commun) Ralans sol pådje des scrijhaedjes e rfondou walon.