|
|
Li lete «eu». |
EU
Li lete eu:
- Si prononce eû ou eu; ça dpind des plaeces et des mots...
Douvént çk' on scrît insi?
Dins bråmint des mots, on pout prononcî on eû (longou et cloyou) ou
eu (court et drovou): djeu ou djeû; il esteut
ou il esteût; on leu ou on leû; do feu ou
do feû...
Come c' est l' minme mot, i doet esse sicrît del minme façon:
djeu, il esteut, on leu, do feu.
Vos estoz libe di prononcî li eu a vosse môde.
Por vos î rtrover
Po tot l' monde: feume si prononce tofer avou on court eu,
et måy "feûme". [i gn a-st ossu les prononçaedjes fème, fëme
et fame; eyet e rfondou on-z a decidé di scrire ci mot la feme]
Po les Lidjwès: on prononce tofer eû, såf dins les mots k' ont
on eu ki provént d' on u: comeune, fôrteune
Po ls ôtes: on prononce pus sovint eu, dins feu, leu...
Et dins li cawete des viebes a l' impårfait (ou erirece durant) ou å
condicioneu: il esteut, dj' aveu, on meteut, on metreut...
Atincion: i gn a des mots ki s' prononcèt avou "eu" ou "eû" a
des plaeces k' i gn a, et ki s' sicrijhèt avou on "oe" (froed, toet,
soe...). Nos vierans çoula pus tård.
Des mots corants
Tofer eû (long):
- leu, tot seu, on seul, seulmint, deus, pluzieurs, meyeu, scheure,
fleur, signeur, gueuye, peu...
- les mots di mestî avou -eu(r): on tchanteu, on scrijheu, on
mayeur...
- les addjectifs: (e)ureus, peneus, anoyeus, amitieus, spepieus...
Tofer eu (court):
Onk ou l' ôte:
- Li cawete di l' erirece durant et do codicioneu: i tchantreut,
i sereut, dji meteu, dji bateu, dji pôreu, dji p(o)leu...
- Li cawete -eur(e): ratourneure, vweteure, mezeure, seur, loyeure...
- Feu, leu
Lijhoz avou vost accint:
- Dji so tot seu avou on leu.
- I tchantreut, s' i sereut anoyeus.
- On seul mayeur vos manke, et tot l' viyaedje est dispeuplé.
- Li lune, amitieuse, fwait des doudoûces ås femes di nosse comeune.
- Li tchanteu a yeu des fleurs mins c' est ene grande gueuye
- Dji pôreu esse on scrijheu, si dji vôreu.
- Gn aveut pluzieurs tchesseus åtoû do feu.
- Leus efants sont spepieus.
- Estoz seur ki ç' ratourneure la vout dire çoula?
- Må honteus ki vs estoz! Minteu! Moudreu! Touweu!
- Vos estoz tot bleu come on chtroumf k' åreut peu!