Li lete «dj».

DJ

 

Li son «dj» ki vos etindoz dins les mots walons dji, Djan, ene djin, araedjî, astårdjî, evnd. si scrît «dj» -- nén «d'j», ni «j», ni «g»...

Douvént çk' on scrît insi?

Dins l' tins, on scrijheut sovint «j» (ji jouwe) ou «g» (gi) ou «gh»... C' est dispu ene cintinne d' anêyes ki tot l' monde sicrît «dj», ki mostere pus clairmint cmint çk' i fåt prononcî.

Por vos î rtrover

C' est åjhey: a tchaeke côp ki vs etindoz «dj», vos scrijhoz «dj». Li pus sovint, i gn a on «j» ou on «g» dins les mots francès del minme parintêye.

Lijhoz avou vost accint:

  1. Dji m' sin pus ledjir asteure ki dji n' mindje pus.
  2. I vout foirdjî s' vindjince.
  3. Les Lidjwès djåzèt.
  4. Li djudi, c' est onk des djoûs del samwinne.
  5. C' est on drole: i vout mindjî les etrindjirs.
  6. Djan åreut bén wadjî ki l' lårdjeur esteut boune.
  7. Djôzef! Ti n' as nén dandjî di fé do djondou!
  8. Les poyes sont-st a djok dins l' djårdén.
  9. T' as må t' djambe? T' es tot rodje? Ti bodjes di trop, c' est ça k' i gn a!
  10. A cwè sondjîz? Oh, a ça... Vos m' fijhoz rodji.
  11. Vos n' candjroz måy!