Li lete «tch».

TCH

 

Li son «tch» ki vos etindoz dins les mots walons tchén, tchair, tchir, evnd. si scrît «tch» -- nén «t'ch», ni «ch», ni «tx», ni «txh», ni «c'h»...

Douvént çk' on scrît insi?

Dins l' tins, on scrijheut li pus sovint «ch» (chen, chair, chir) mins ossu «c» (cestai). C' est dispu ene cintinne d' anêyes ki tot l' monde sicrît «tch», ki mostere pus clairmint cmint çk' i fåt prononcî.

Por vos î rtrover

C' est åjhey: a tchaeke côp ki vs etindoz «tch», vos scrijhoz «tch».

Li pus sovint, i gn a on «ch» dins les mots francès del minme parintêye.

Atincion seulmint: å coron des mots, li son «tch» si scrît pa des côps «dj» cwand c' est on «dj» k' est «adeuri» pask' il est å coron d' on mot. Par egzimpe: rodje, bladje, araedje... Po rtrover ces mots la, i fåt s' dimander s' i gn a des ôtes del minme famile ki s' prononcèt avou «dj»: rodji, araedjî, bladjot...

Lijhoz avou vost accint:

  1. On tchén court après on tchet.
  2. Li vatche k' est å tchamp mindje dins l' batch.
  3. Kénès belès tchifes: dji vs va fé on betch.
  4. Li bwès d' tchinne est setch cwand i fwait tchôd.
  5. T' as del tchance ki tes camatches ont tcheyou dins t' potche.
  6. Tchôke ti tchapea dins on saetch, insi i n' so dismantchrè nén.
  7. Vo m' la emantchî!
  8. Il a stî spotchî pa ene tcherete.
  9. Ki ça n' t' espaitche nén di clatchî dins tes mwins!
  10. Dji m' a fwait agritchî avou l' betchete d' on havet.
  11. I fwait tchôd: c' est do tins po fåtchî.
  12. Dispaitche tu! Dj' etind les clotches ki sounèt å clotchî del pårotche!
  13. On direut do cawoutchou, mins c' est del tchåsse.