Li betchfessî scrijha «ae».

AE

 

Li lete «ae» si dit:

Douvént çk' on scrît insi?

I gn a sacwants mots walons ki s' dijhèt avou on «è» dins l' mitan do payis et on «a» dins l' ôte mitan: glace et glèce, place et plèce, etc. Seulmint, on n' si sieve di «ae» ki cwand les deus foûmes do mot sont foirt sipårdowes. Do côp, nos n' l' eployans nén cwand cåzu tot l' monde dit «è» (brès, tchet, minme s' i gn a des plaeces k' on dit tchat, bras) ni cwand cåzu tot l' monde dit «a» (tchapea, tchapele, il a, minme s' i gn a des plaeces k' on-z î dit tchèpea, tchèpele, il è).

Por vos î rtrover

Dins on cas, c' est foirt åjhey. On s' sieve di ci scrijhaedje la tchaeke côp ki c' est li cawete -aedje (passaedje, cåzaedje, aclapaedje...). Disrîlêye: såvadje, i somadje.

Dins les ôtes cas, rén a fé: i fåt savu cmint çk' on prononce ôte påt... ou aprinde par keur.

Des mots corants

Araegne, camaeråde, daegn, djaene, djaeye, ewaerant, ewaeré, glaece, laecea, plaece, raece, raecene, raetchî, raezer, saetchî, saeyea, stocaesse, taetche, taeyî, tchaeke...

Et cåzu tos les mots avou -aedje: alaedje, boerlaedje, coraedje, lingaedje, manaedje, mariaedje, messaedje, oraedje, vicaedje, viyaedje, vizaedje, voyaedje...

Lijhoz avou vost accint:

  1. I gn a des plaeces k' i gn a del glaece.
  2. On mariaedje sins taetche dins nosse viyaedje.
  3. Ké lingaedje!
  4. Les plaeces k' i gn a des oraedjes, dji raetche dissu.
  5. Ké coraedje, camaeråde! Vos estoz stocaesse!
  6. I taeye les raecenes et i les saetche foû do viyaedje.
  7. Mes tuzaedjes sont-st ewaerants dispu m' mariaedje.
  8. Dins ké lingaedje k' il est scrît, ci messaedje la?
  9. Gn a des taetches so vosse vizaedje. Est çki vos estoz raezé?
  10. Ene djaene araegne court sol daegn.