Dressêye:

• Panache Culture, do reggae made in Walonreye pa des "Walons k' ont vnou d' ôte pårt".: Responda 1995 (so Radio Mîtrinne Mére Eturnåcionåle). Responda awousse 2001 (dins "Sabam Magazine").
• Le cas fiscal de Soeur Sourire: Oblidjeye lweyålmint di payî ses cotribucions so des cwårs k' ele n' a måy toutchi,... elle end a s' sô et fwait li fén d' leye-minme.

Panache Culture, do reggae made in Walonreye pa des " Walons k' ont vnu d' ôte pårt ".

Responda awousse 2001 (dins "Sabam Magazine")

Les frés Hamra, les "Panache Culture", dabôr, vinèt d' fé rexhe on prumî macsi, "Le Matcho", cossumé [distribué] pa Sony.

Novea responda :

Dimandeuse: - C' est l' veur çou k' on-z ôt brutyî [la rumeur], k' n a des Djamayikins ki vnèt disk' a Lidje po schoûter vosse reggae ?

Panache Culture: - Les brutiaedjes ni sont måy ki des brutiaedjes, min c' est l' veur ki nos djowans po des Djamayikins dispu 8 ans, al boune.

Dimandeuse: - Vozôtes, les frés Hamra, z estoz l' corin [cœur, noyau] del binde. Kî çki fwait cwè, å djusse, dins Panache Culture.

Panache Culture: - Mi, dji so-st al basse, mes frés al batreye, o piyano, et po tchanter. Mins gn a eto Yoni Vidal al grawe Daniel Hickman so l' ôte piyano, et po fé les keurs, Mounia eyet Malika.

Dimandeuse: - Cwè gn a-t i sol mestî, pol moumint ?

Panache Culture: - Dandjureus ene novele plake pol moes d' nôvimbe. Dji rivnans des francofoleyes di Spå et Rochele, e France.

Dimandeuse: - Estoz sol Daegntoele [Toile Mondiale] ?

Panache Culture: - Oyi, vochal. Bénvnowe et wilicome !

Sylvie Godefroid divins : Sabam Magazine, djun 2001.

Responda 1995.

Ene famile di cwate frés marokins, on Grek, on Itålyin et sacwants Walons Walons; acmaxhîz comifåt avou tot l' bataclan d' grawes [guitares] et d' batreyes d' ene binde moderne, et vos åroz Panache Culture.

One peure martchandijhe [un pur produit] di nosse Walonreye et di ses " Walons k' ont vnou d' ôte pårt " (c' esteut l' no d' ene rîlêye di scrijhaedje di "Djåzans walon" e 1995).

Nos ls avans rescontré k' i djowént concert a Cazablanca.

Dimandeu: - Panache Culture, comint çki ça s' a enondé ?

Panache Culture: - Li djoû k' on-z a yeu des cwårs assez po-z atchter l' "bataclan" ki vos djhîz enawaire. Et k' on l' a rabocté dins-n ene cåve amon nosse mére, dins ene gayolire (ene cité d' ovrîs) addé Lidje.

Dimandeu: - Pocwè do reggae ?

P.C.: - Paski c' est l' muzike k' on zûnéve a l' ådje di 14-15 ans. Eto, c' est ene muzike d' acmaxhis culturirmint, come nozôtes, la.

Dimandeu: - Panache Culture, c' est di pus d' cénk CD disk' asteure, dowô ?

P.C.: - Oyi, eyet deus macsis. L' ahike, c' est k' les loweus di studios, i travayèt a tchîrès pêlêyes [ils coûtent la peau des fesses]. Ça fwait k' ci côp chal, on va waitî d' erudjistrer tins do concert a Marrakech.

Dimandeu: - Eyet pol micsaedje ?

P.C.: - Dj' avans on micseu ki c' est s' mestî [professionnel] ki boute avou nozôtes. C' est on capåbe, sacrediess ! Il a dedja ovré po des bindes [groupes] inglesses a Londe. Il s' apwintrè dazår dimwin, plait-st a Diè.

Dimandeu: - Est çk' i gn a ene mwaisse-idêye [message] ki vos vloz fé passer avou Panache Culture ?

P.C.: - Li mwaisse-idêye, elle est divins noste alomåcion [appellation] minme: Panache Culture. Av' dedja bevou on panaché ? C' est en maxheure, anmetans, mins ci n' est nén on mixh-maxh a môde di cabolêye po les pourceas.

Nozôtes, nos vicans l' panachaedje dispu estant tot djonnes. Dins ces gayolires la, gn a k' ene sicole avou 100 scolîs et scolresses. Eyet so les 100 scolîs et scolresses, gn aveut, al boune, 15 diferinnès nåcionålités. El vijhin, c' esteut on Turk, l' ôte vijhin, on Grek, et come di djusse, i gn aveut des walons Walons [des Wallons de souche] avou.

Dji di des walons Walons, paski nozôtes eto, ns estans des Walons. Sapinse Chôze [comme dirait l'autre]: des Walons k' on vnou d' ôte pårt.

Dimandeu: - Et pocwè nén on CD d' reggae e walon ?

P.C.: - Et pocwè nén, Asteure k' i gn a on rfondou walon. Divant, ci n' esteut nén possibe. Nos n' aléns nén tolminme riscrire des novalès paroles, cwand k' on passéve di Xhoutsiplou a Loucsiloû.

Dimandeu: - Dj' el vou bén croere.

Forveyou responda [interview virtuel] pa L. Mahin, li 4 di setimbe 1995, å-z ôre d' ene emîssion so Radio Mîtrinne Mér Eturnåcionåle, divins: "Li Ranteule, li spoule d' on pordjet", nén eplaidî.

Beaucarne, Julos, chanteur ouest-wallon; Li pådje då Djulos

Dunker, William, chanteur ouest-wallon

 (Back index par sujet) Alans rzè a l' edesse des sudjets.

(Back homepage) Alans rzè al mwaisse-pådje.

 (Back textes en wallon commun) Ralans sol pådje des scrijhaedjes e rfondou walon.