dierin rapontiaedje - last update: 2005-02-21.

Dressêye:

• Li Spér

Li Spér:

Dji m' a levé cisse nute

A troes eures et vint.

Dj' esteu en ene schoume

Et dj' tronnéve les balzins.

Gn aveut ene sôre di spér

Å pî di m' lét

Ki m' dijha : " Dji vén djusse

Po t' restchåfer ".

L' afwaire ni ravizéve nén må

Ene bele båshele

K' åreut fwait totes ses scoles

A Hazinele, amon Dorcel.

Dji lyi djha : " ressaetche tu !

Vade retro !

Ti m' freus fé e sacramint

On fameus trô ".

Asteure, mes djins,

Prindoz asteme

Ki normålmint

Dji n' rifuze måy bateme.