Page de Willy Felix, poète (presque) oublié.

Willy Felix, on fjheu d' arimeas (cåzu) rovyî.

Dressêye:

 

Les djins

 

Les djins, les bråvès djins,

Ki t' voes l' dimegne a messe ponre on franc dins l' tchirlike

Po s' mostrer calotins å gros mwaisse del fabrike;

 

Les djins, les bråvès djins,

Ki schoûtnut sins etinde, ki cåznut po esse fels

Serés come on deur pougn a tot çki n' est nén zels;

 

Les djins, les bråvès djins,

Ki s' casrént les penas po nouri leu pekêye

Et ki scrotnut l' payeye disk' al dierine bekêye;

 

Les djins, les bråvès djins,

K' egayolnut leus feyes dins l' boûsse des vîs k' els ont

Et k' pourceatnut l' meskene po fé båyî l' soçon;

 

Les djins, les bråvès djins,

Tos les couyet-modous k' ont peu d' viker å djoû,

Mins ki l' nute rashonnrè po dréncî leus mwais côps;

 

Les djins, les bråvès djins,

Ki s' camuchnut dins les cwate meurs di leu cassene

Po disclitchî l' morant d' leu cosyince et d' leu schene;

 

Les djins, les bråvès djins...

 

Målhåjheys mots :

tchirlike = pêlete. | pena : aiye F. : aile. | des vîs k' els ont : des vîs k' ont des sôs (F. des sous), ki sont ritches. | pourceater : si moenner come on pourcea avou ene feme, (F. abuser de) | meskene : siervante; | båyî : drovi l' boke grand å lådje | couyet-modou : couyon | dréncî : fé on mwais côp. | si camuchî: si catchî.

Willy FELIX, divins: Poètes walons d'aujourd'hui, eplaidî pa M. Piron, Gallimard, 1961.

Biographie sommaire.

Ene pitite notûle so s' vicåreye.

 (Back homepage) Alans rzè al mwaisse-pådje.

 (Index par auteur) Indecse des oteurs.

 (Back textes en wallon commun) Erdalans sol pådje des scrijhaedjes e rfondou walon.

Sacwants scrijhaedjes di cisse waibe chal polèt esse dizo abondroets; nos les rsaetchrans foû s' i fåt.

Some texts published on this site may be affected by copyrights and eventually need to be removed in the future.