|
|
Tecse: «Tchanson do vî houyeu». |
|||
|
|
Tecse: «Tchanson do vî houyeu». |
|||
Si dj' a mes mwins ki sont rogneuses
C' est ki dj' so-st on vî houyeu
C' est dins l' abîme ki dj' travaye
Et l' ciel por mi c' est l' toet del taye
Cwand tot crake i fåt nd awè peu
C' est l' mestî ki vout k' on s' espôze
A bouter l' tcherbon å kertcheu
I voreut bén raler a l' pôze
Dji n' conè rén dal politike
Dji so-st instrût come on bådet
Dins les afaires d' aritmetike
Dji n' conè ki «huit paumes» a Bonbiet
Dji côpe el beur å Trô des Gates
Tot en tchantant dji tape sol bate
Cwand l' directeur vént dins les fonds
Lu k' a todi ene måtche si fiere
Pa côps si mwin si mete dins l' stron
Ça n' l' espaitche nén d' esse e colere
K' est çki ça m' fwait k' i gn åye el guere
Kel tere divegne francès almand
Por mi c' est todi l' minme afaire
Dji vike pa dzo come on fougnant
C' est la ki dj' sai mostrer m' coraedje
Si dj' broule del poure c' est a m' ovraedje
Mins touwer des pareys a mi dji n' vou nén
C' est del politike
On houyeu n' a k' deus grands innmis
C' est l' grizou et l' capitalisse
Monsieus les gros accionaires
Respectez todi l' vî houyeu
Sins lu k' est çki vos frez sol tere
Vos crevrîz d' fwin vos ...
A Châlerwè cwand dji vs resconte
Dji vs voe avou vosse panse bén ronde
Ni fjhoz nén tant d' ses imbaras
Si c' est vos ki m' paye èm cwénzinne
Vos vikez tertos pa mes bras (bresses)
C' est mi k' rimplixh vosse bodene
