|
|
Les faflotes |
Les faflotes
Les «faflotes», c' est tos les senes ki sont scrîts et ki n' sont nén des
letes:
- Les accints sol hintche ou gåtche ou dischindants: (francès)
après,
où
(catalan) electrònica...
- Les accints sol droete ou montants: (francès)
été,
(catalan) així, (neyerlandès)
vóór...
- Les boles: (daenwès) såvel,
(tcheke) doplňků...
- Les croles: (inglès) don't,
(neyerlandès) 't kliekske,
(galicyin) n'un, (francès)
l'arbre...
- Les dobes ponts: (catalan) Suïssa,
(francès) aiguë,
(hongrwès) kerül...
- Les ponts sol roye ou å dzeu ou å dzo del roye: (catalan)
infal·lible, (walon fonetike)
djon.ne,
(vietnamyin) các bạn,
...
- Les tchapeas: (francès) naître,
(hongrwès) egyenértékû...
- Les tchapeas å rvier: (tcheke)
životního
prostředí...
- Les wagletes: (galicyin) domiño,
(castiyan) otoño,
(portuguès) são...
- Les dobes accints: (hongrwès) kereső,
(vietnamyin) tiếng việt...
- E walon fonetike (Feller), vos trovroz eto: rônler,
bîn,
rōze, poûssēre...
- Et co des ôtes... (si vs estoz raloyî al daegntoele, vos ploz aler vey sol waibe
di l' unicôde ki mostere totes les
letes, faflotes, et letes faflotêyes po tos les lingaedjes del daegn)
Nombe di faflotes dins sacwants lingaedjes uropeyins
| Lingaedje |
Nombe di faflotes po cint caracteres |
| Inglès | 1,0 |
| Castiyan | 2,0 |
| Catalan | 3,0 |
| Portuguès | 3,0 |
| Galicyin | 3,5 |
| Francès | 4,6 |
| Finwès | 5,2 |
| Walon (rifondou) | 5,8 |
| Hongrwès | 11,7 |
| Tcheke | 13,1 |
| Walon (fonetike Feller) | 16,0 |