El facteur, il a passé dins m' boesse
Pu, ene evlope tote maxhurêye
Â! Ça vént d' Mårcinele!
C' est djinti!
Mmm... i metnut 30 francs asteure,
I n' ont nén djoké d' rhôssî les timbes,
Dji m' sovén cwand dj' a cwité m' payis,
Dji meteut 9 francs.

Èm tchir camaeråde, ça fwait lontins
Ki dji vôreut bén esse a vo plaece.
Dji sai bén ki vos n' seroz nén contin
Di sawè k' asteure on vike dins l' crasse.
I gn a troes moes d' çoula ç' a stî m' tour,
El patron n' a pus yeu dandjî d' mi.
I m' a dit: «dji conè vos discours,
vo feme, vos efants dins vo gurnî».
Jamwais, jamwais vos n' årîz polou l' croere,
On a dvou vinde djusk' a nos årmweres,
On a fwait come bråmint ds ôtes ayer
On-z a doirmou dsu des tôles di fier.
Zabele, les efants eyet minme mi,
On a brait eshonne ayer å niût.
On-z a rçû des tikets po mindjî
I gn a bén trop d' chômeus on les payes pus.
Dj' end a co troes ki n' ont nén crexhu,
Fåt bén k' leu scole leu paye a dinner
On-z asprouvrè a shure el veye k' on shût
Mi dji croe k' on djoû ça va sonner.
On dit k' on årè on deur ivier,
Po s' tchåfer on n' årè pus k' a boere.
On croet k' bén rade ça va esse el guere,
Ça serè el dierinne, on n' årè pus d' istweres.
???????? ni rvéns jamwais droci,
I gn a pus k' el dezert a mostrer.
S' i fåt shure el vicaireye k' on shût,
Dji croe k' on djoû ça va sonner.