Page de Charles Bicheroux.

Li pådje då Tchåle Bicheroux.

 dierin rapontiaedje - last update: 2004-09-15.

Dressêye:


Mouhagne

Mouhagne soude emé nosse Hesbaye

Et s' winne avå m' payis walon

Epoirtant kécfeye des ramayes

K' ele lairè la, ene miete pus lon.

 

N' a k' froedès plouves et l' vint l' Lovaye

Po l' fé groxhi vormint podbon,

Leye ki soude emé nosse Hesbaye

Et s' winne avå m' payis walon

 

Et s' dene-t ele a boere ås åmayes

Ki paxhèt dvins des crås waezons;

Pu porshût sins roufî-roufaye

Et s' hene e Mouze sins pus d' façon,

Leye ki soude emé nosse Hesbaye

Et s' winne avå m' payis walon


divins: Œuvres wallonnes de C. Bicheroux.


L' aireur do djoû.

 

Bondjoû, prétins !

Nos ramoenne tu l' solo ?

Dji n' serè nén l' dierin

Po t' sohaitî l' bénvnowe.

I gn a si lontins k' dji t' rawåde

Saiss bén ki dj' pinse djourmåy a twè ?

Pår cwand les mås d' l' ivier

Mi pezèt so li schrene

Dji n' sai si dj' a co ene djonteure

Ki n' mi fwaiye nén dåner

Tant kel vî Bourguignon

Ni m' årè nén reschandi,

I m' fårè poirter m' croe.

 

Ouy, dji m' a levé timpe

Dismetant k' e stoelî

Les pus foitès loumrotes

Blawtinént co ene miete.

 

Dispoy on gros cwårt d' eure

Dji båctêye ås cwåreas

Po rapairi l' crestea

La kel cir båjhe li tere