dierin rapontiaedje - last update: 2014-01-30

Dressêye:

Arimea.

• Mi walon d' Solwåster (Alexis Bastin).

Racontaedje

• Li brouheur

Tuzêye

• Li raece

Biyografeye

• Si pådje so l' eciclopedeye "Wikipedia"

Mi walon d' Solwåster

Li tins court rade evoye; portant, dj' a co sovnance

Di cwand dj' esteu tot djonne, et ki dj' tchoûléve e m' banse

Mu mere, po m' rapåjhter, mi djåzéve e walon

Et cwand dj' sereu minme ouy å diale et co pus lon

Do walon d' Solwåster, al boke, dj' åreu co l' gosse,

Paski, ci walon la, edon, mere, c' esteut l' vosse.

Pere, cwand dji rtuze a vos, dji rvoe vosse bon vizaedje,

Et cwand dji dvreu viker cint-z ans et co pus vî,

Li walon d' Solwåster, dji nel såreu rvoyî

Paski ci walon la, edon, pere, c' esteut l' vosse.

Pus tård, adlé vos deus, dji dirè: c' esteut l' nosse.

Alexis Bastin, divins "Foyes di tchinne et fleurs di brouhire, Société d'édition Le Travail, Vervî, 1950.