Bokets del nute.
Ene pîce d' avant-gåre revintrece da Franz Dewandelaer
dierin rapontiaedje - last update: 2007-11-08.
Les roles:
|
Li cåzeu tot seu |
(C' esteut Franz Dewandelaer lu-minme, al creyåcion d' Nivele). |
|
Li keur |
Persounadjes e peur. Il ont ene cingue di rodje flanele, ene lådje marone di bleuwe toele. |
Decôr:
Li decôr, c' est èn ovroe dessiné e noer å fond avou troes tchminêye ki foumièt. Li dzo do stoelî est rodje; li dzeu, c' est l' nute avou ès poûssire d' estoeles.
Les djins do keur sont plaecîs e triyingue dissu l' sinne. Li cåzeu tot seu est stampé padvant
Bokets foû del pîce:
Sinne 1
Solo : Do tcherbon
Prumî grope : Do tcherbon
1er et 2inme grope : Do tcherbon
Keur : Do tcherbon
Solo : Les trins s' vont edoirmi sins leu ddjuner d' briketes.
L' afuweure va flani dins les fors ki båyèt
L' atulî edjalrè
Keur : L' ovrî binrè (bin'rè = chômera) putete.
Dtch… dtch… dtch… dtch…
Solo : Pont d' tcherbon, pont d'acî.
Keur : Pont d' acî, pont d' awousse.
Solo : El monde est, sins tcherbon, come on payis sins pwin.
Come èn hape-tchå sins liård, come on grijhon sins strin
Come on tchamp sins l' solea ki lyi vént fé ene doudoûce
Prumî grope : Tcherbon po Tchålerwè
1er et 2inme grope : Po Moncea, po …
Keur : Tcherbon.
Solo : Tcherbon po fé cori l' keuve come ene iô d' solea
Po fé rener les bieles, po tinkyî les corwès.
Prumî grope : Tcherbon
Keur : Les trins
2inme grope : Tcherbon
Keur : Bateas
Solo : Nutes sins soumey
Prumî grope : Tcherbon.
Keur : Doû.
2inme grope : Tcherbon.
Keur : Feu.
Prumî grope : Tcherbon.
Keur : Sclåve.
2inme grope : Tcherbon.
Keur : Rwè.
Solo : Vos fjhoz des pzants ploumas pikés dins les tchminêyes,
Des trinnes di blanc pilou po des convwès dins dbout.
Tcherbons, bokets del nute, ki s' è va pa benlêye
E fjhant triyaner l' pousse del molete å bougnou…
Bokets del nute
Keur : Bim bam boum (el keur continourè tot doûs tins des deus strofes ki shuvèt.
Solo : el djoû ki pike a l' air d' ene brune
On soume al måjhon do Bon Diu
On brouyård, spès come on glair d' oû
Vént blefer sol cayô ki sûne
Les cwåreas, c' est des bokets d' ôr
Ki les manauts èn savèt vinde
L' ovrî s' prestêye El monsieu doime
Les stoeles ès distindèt pa bindes
Yet tenoncô
Keur Tchahû maloû
Solo l' hoûlåd, fås Djwif, come on morou Dischefe el brouyård d' on côp d' grawe
1gr I hoûle come on tchanteu sins mawe
2gr come on pierdou l' åreut del vwès
keur foice di l'intinde, on pinse k' on l' voet
Solo Il arive
1gr arive
1gr I passe
2gr I rpasse
keur I fwait l' clotchî
1gr I fwait l' clotchî
1gr I fwait rtchait
Solo s' rataesse
Bokets del nute
Keur I s' fwait sclider sol vint ki passe
Solo I rdjiblet
Keur I rtchait co
Solo I va stronner l' cocorico
D' on colkea ki out prinde ès plaece
Keur El djoû s' rewoeye padzo l' rapasse
Solo Do font des coûs, do dbout des tchinnes les cîs k' ont des pokes a leus mwins s' è vont, sins gosse, sins spwer, biesmint s' crever ç' djoû ci po mindjî dmwin
Keur l' hoûlåd fwait co aer s' gafaye
Solo I miawe
1er gr I rboele
1 et 2gr I grintche
keur abaye
solo I shût les rowes pa les royons
1gr I zigzinzece
1et 2gr I fwait des ronds
keur I fwait des nuks Solo s' ecourt å lon
keur yet raf
solo n' est ç' nén d' on côp d' talon
bdN
keur Vo l' la theu-st al plate sins fè rbond
solo d' å long des måjhons må stampêyes
Avou leus iys d' gamén ki péye
Les ovrîs vont, sins spwer, biesmint
S' crever ç' djoû ci mindjî dmwin
Keur El veye, ki sait l' danse k' i l' ratind
Dins l' cou d' ès pote
Ès rclipote
Solo El djoû, por lu rglati, tchipote
*************************
Kimaedjes avou des ptits nos
Kéne afwaire, Houbert
Iy! Meliye !
N' a rén ki broûle, Rawoûl
Disk' a pus tård, nonård
Elle est kine, bertine
T' es trop ptit, Hinri
T' as ene bele tchance, merance
Disk' a dmwin, Firmin
S' i fåt, i fåt, linåd
Louke a tes djonnes, Polône
Fonce, Alfonce
Ké bazår, Djåspår
Pus vite, dadite
C' est on macté, Bernabé
Kéne måle, tchåle
Kéne biesse, nenesse
T' es-st èn ome, Lolome
Ki t' es bel, Adele
Mane trankile, camile
Ké laid piou, Ernou
T' as bourdé, Doné
Sourdant: tchaeke si gosse; PH Thomsin
Divins Bulletin wallon, moes d' avri 2005
Ecmince do 21 inme sieke, gn a yeu des ptits nos todi pus "droles"
Mowgli, Zèn, Exploit (valet), Miracle (båshele), Texas, brillance, Emilion
Diviè les anêyes 170 des noes d' fleur Anne-Emone Violaine, Aurore
Des vîs nos k' ont rivnou dins ls anêyes 1980
Arnåd, gayetan, Juliye , Malaniye Catrene, valeriye, Mårtén.
*******
Aplonker ene flouxhe di sovins aplonkèt-st e m' crever (T. hébrans)
Antrake moumint inte deus akes å teyåte
Li pådje da Franz Dewandelaer Wikipedia.
Si des mots difficiles se présentent à vous sur ces pages, allez voir s'il ne sont pas expliqués dans le Splitchant motî do walon (avec brève traduction française), ou dans le Wikipedia, l'encyclopédie en wallon (suivez: "Pordjet Esplicant Motî").
(homepage théâtre wallon) Alans rzè eviè l' pådje moennrece des bokets saetchî foû des pîces di teyåte e walon.
(Index des auteurs dont les textes sont disponibles en wallon commun) Djivêye des scrijheus k' ont scrît u k' ont stî rashious e rfondou walon.
(Back textes en wallon comun) Erdalans sol pådje des scrijhaedjes e rfondou walon.
(Back homepage) Alans rzè el mwaisse-pådje
(homepage wallon comun) Alans rzè eviè l' pådje moennrece do rfondou walon.
Sacwants scrijhaedjes di cisse waibe cial polèt esse dizo abondroets; nos les rsaetchrans foû s' i fåt. Sacwants bokets scrîts ezès walons coinreces polèt aveur sitî ene miete rassonrés po poleur shuve pus åjheymint les mwaissès rîles do rfondou walon.
Li djouwaedje di cisse pîce cial divant les djins si frè tot payant ls abondroets al SABAM.
Certains textes peuvent avoir subi des modifications mineures pour faciliter leur insertion dans le projet do langue nationale pan-wallonne.