dierin rapontiaedje - last update: 2013-04-01

Dressêye:

• Loyminoye
• Poenne di tchesturlinne

Loyminoye.

Soeye on pô moens loyminoye.

Po fé m' tchanson tot djåzant walon,

Ki c' est målåjhey sacrinom

Mins finålmint, asteure, dji m' sovén

Di tos les mots k' on djheu cwand dj' esteu gamén.

Po fé m' respleu, i m' end esteut

D' end aveur veyou les set croes

Amon mes parints, mi po tot k' esteut dierin

I m' shonne ki dj' etind co leus complimints:

Soeye on pô moens loyminoye !

Soeye on po moens loyminoye !

Ti t' as trebouxhî so l' voye

Paski t' esteus loyminoye.

On m' a tofer dit : kéne soye !

Soeye on pô moens loyminoye !

Foirt nåjhi do m' kimagnî,

Fåte do dmani todi padrî

Kéne vicåreye ! Tofer li tiesse ås nûlêyes,

Houte del muzike, mi, dji n' so nén trop sûti.

Po hanter, la, c' esteut co pé

Les båsheles ki dj' m' a fwait shofler

Må dispierté, fåte di trop tuzer

Beacôp trop tård, dj' esteu metou sol costé !

Soeye on pô moens loyminoye !

Soeye on po moens loyminoye !

Ti t' as trebouxhî so l' voye

Paski t' esteus loyminoye.

On m' a tofer dit : kéne soye !

Soeye on pô moens loyminoye !