Les scoles da Djihinne.

2inme anêye


Initiation au Wallon (Normalisé) 2ème année (7 - 8 ans).

Sicoles di (Rfondou) Walon po les aprindisses di 2inme anêye.

Leçon 43: Les synonymes.


Cwarante-troejhinme luçon:

Des mots ki vlèt dire cåzu parey.

 

Les mots del minme coleur volnut dire cåzu parey : c' est des sinonimes.

C' est enute k' on-z a scole di walon ? Awè, c' est ouy ! Oyi, c' est ådjourdu !

Cwand avoz yeu match di fotbale ? Djudi passé ? Neni, c' esteut ir al nute; nonna, c' ît ayir å niût. Nonfwait, c' ere ersè del shijhe.

Çou ki n' est nén prôpe est mannet, dj' ô bén k' il est måssî, et niche, et yôde.

<= La, c' est des måssîstés, des mannestés, des nichtés, des yôrdistés.

On pazea, c' est ene pî-sinte, ucobén on pî-pazea.

Si dj' a bråmint des cwårs, c' est k' dj' end a beacôp.

Li ci k' a des cwårs, c' est k' il a des çanses, des sôs et des liårds.

 

Si Romin est vayant, c' est k' il est djinti, et k' il est binamé.

Mins, s' on dit k' il est vayant, ça pout esse eto k' il est coraedjeus u siervicire.

 

Dins l' tecse ciddé padzo, sorlinez les mots ki vlèt dire cåzu parey.

 

Djihan a rarivé ir al nute; il a rivnou e vweteure. Ene bele rodje oto !

Dj' aveu dit k' el måjhon soeye bén prôpe et nete po cwand i rvénreut. Mins elle esteut tote mannete, ayir å niût. Måssîte come on ran d' pourceas.

Cwand il a moussî foû d' l' oto, li tchén a hawé après lu; i n' s' a nén aresté d' bawer tote shijhe.

Djihan a dmandé après s' grand-pa, mins Pépé esteut evoye a Lidje avou l' bon-popa da David.

Damadje, dit-st i; dji lyi aveu rapoirté ene novele hepe por lu finde ås bwès; si viye hatche est trop pezante por lu, asteure.


Po les scoleus (Notes pédagogiques).


 Luçon d' après.

 Luçon did dvant.

 Pådje moennrece del deujhinme anêye