- Kilou,

Tiesse di boû !

Si ti rmowes

Dji t' toide li cô.

- Couyou !

Pitite tiesse di tchivroû

Plinne di pious !

Tén, vo l' la, ti pwin d' coucou !

- Kilou,

Tiesse di boû !

- Pocwè t' kibate,

Tiesse di gade,

Tins k' Agate

T' aloye li pate ?

- Couyou !

Pitite tiesse di tchivroû !

- Biss calalê !

Tiesse di vî boukea !

T' es nén bea

Cwand k' t' es ki brait.

- Kilou,

Tiesse di boû !

Ni t' fwais nén laid,

Tiesse di vea !

Dji t' el dinrè

Ti saeyea d' laecea.

Couyou !

Pitite tiesse di tchivrou !

Hô,

Tiesse di tchvå !

To n' pous må.

C' est tos cayôs.

tchivrou : chevreuil.

saeyea: seau

laecea: lait

cayô: caillou (stable pour la marche, contrairement au sable pour le cheval qui traverse une rivière).

neyî (si) : se noyer

Tiesse di boû !

Håw !

Pitite tiesse d' åwe

Tchesse evoye ti rascråwe.

Tén, vén, dji t' contrè ene flåwe.

Couyou !

Pitite tiesse di tchivrou !

Abeye !

Tiesse di halcotî

K' est la ki tchicteye

Boes on vere: to n' as k' ene veye.

tchivrou : chevreuil.

åwe: oie

rascråwe: cafard

flåwe: histoire, conte

abeye !: vite !

halcotî: fantaisiste, amateur

tchicter: hésiter

Tiesse di boû !

Hê, ti, laid veråt !

Tiesse di vî vexhå !

Catche ti grosse make di båyåd

Clôs tes ouys di gros crapåd.

Couyou !

Pitite tiesse di tchivrou

Plinne di pious !

Tén, vo l' la, ti pwin d' coucou !

tchivrou : chevreuil.

laid veråt: sale porc, dégueulasse (en reproche à quelqu'un qui vous a leurré)

vexhå: putois

make: bouille (tête)

båyåd: ahuri

piou : pou

pwin d' coucou : pain, sandwich… que le papa rapporte aux enfants de son travail.

I. Bouxhe et bouxhe a l' Sint Linåd,

Tabeurî d' Fechå !

Si to rotes et rotes o pas,

T' årès do boure et do laecea.

Hê, les valets,

Vinoz !

II. Shofele, shofele a toetea,

Trombone do Hamtea !

Si to djowes et djowes so l' ton,

T' årès des tåtes et do djambon.

Hê, les båsheles,

Abeye !

årmonreye: fanfare

Linåd: Léonard

Fechå: Feschau (Beauraing)

valet: garçon.

laecea: lait

a toetea: à tue-tête, lit. sur le petit toit, dans le sens de sur tous les toits

Hamtea: Hampteau (Marche-en-Famenne)

tåte: tartine ou tarte recouverte

båshele: fille

abeye: vite, dépêchons !

I. Tape et tape al Sint Djurå,

Djoweu d' piyano.

Si to djowes et tchantes a fwait

T' årès del crinme divins t' laecea.

Hê, les båsheles,

Abeye !

II. Shoflez, shoflez vos contrûtes,

Djoweus di ptite flûte !

Èn comaxhoz nén vos doets;

Vs åroz del crinme dins vosse cafè.

Hê, les valets,

Vinoz !

årmonreye: fanfare

Djurå: Gérard

a fwait: en synchronisation

crinme: crème

divins: dans

laecea: lait

båshele: fille

abeye ! vite, dépêchons !

contrûte: contre-ut (terme de musique)

comaxhî: mélanger

doet: doigt

vs: vous (forme succinte pour vs åroz)

valet: garçon.

I. Tén bén fer el grand flayea,

Twè, l' poirteu d' drapea !

Si to rotes sins baxhî l' bok,

T' årès del dorêye ås biyokes.

Hê, les båsheles,

Abeye !

II. Ni ctape nén tes zigzonzeces,

Twè, l' mineu d' orkesse !

S' i djowèt tertos eshonne

T' årès do souke dissu t'n avoenne

Hê, les valets,

Vinoz !

fer: fermement

flayea: fléau, hampe du drapeau;

bok; menton

dorêye: tarte

biyoke: prune.

båshele: fille

abeye ! vite, dépêchons !

c(o)taper: bâcler, gâcher

zigzonzece: volutes (décrites par la baguette du chef d'orchestre)

eshonne: ensemble

avoenne: avoine, céréale soufflée (Kellogs)

valet: garçon.

I. Ni scratchîz nén so l' linwete,

Djoweus d' clarinete !

Si vs moussîz-st e l' årmonreye,

Vs åroz des fadêyes a l' makêye.

Hê, les båsheles,

Abeye !

II. T' apîtes nén dins tes maketes,

Pitite mådjorete !

Si t' lives bén tes coxhes e l' air,

T' årès del låme so tes cwakers

Hê, les valets,

Vinoz !

scratchî: cracher;

linwete: languette de bois des clarinettes;

årmonreye: fanfare;

fadêye: tartine

makêye: fromage blanc

båshele: fille

abeye ! vite, dépêchons !

s' apîter: trébucher;

makete: bâton avec des boules aux extrémités servant aux majorettes

to lives: tu lèves

coxhe: cuisse;

låme: miel

cwakers: gruaux d'avoine, "céréales"

valet: garçon

I. - Wice alez, vos, troes holenes

Dins vosse limozene,

Dins vosse limozene ?

Wice alez, vos, troes holenes ?

- Monsieu, nos alans disk' a Nålene.

II. Wice alez, vos, les troes rognes

Dins ene sifwaite éndjole

Dins ene sifwaite éndjole ?

Wice alez, vos, les troes rognes ?

- Monsieu, nos alans disk' a Djodogne.

limozene: voiture luxueuse

Nålene: Nalinnes (Charleroi)

rogne: salamandre tachetée

s(i)fwait: pareil, semblable

éndjole: engin, drôle de véhicule

So l' dos d' vosse chamô,

So l' dos d' vosse chamô ?

Wice alez, vos, troes vexhås ?

- Monsieu, nos alans-st a Ricsinsåt.

II. - Wice alez, vos, troes ptits fans

Dins vosse tchåraban

Dins vosse tchåraban ?

Wice alez, vos, troes ptits fans ?

- Monsieu, nos alans disk' a Dinant.

Ricsinsåt; Rixensart (Brabant).

tchåraban: lit. char-à-bancs: diligence, véhicule pour transport de personnes tiré par des chevaux.

A djok so l' årmon,

A djok so l' årmon ?

Wice alez, vos, troes moxhons ?

- Monsieu, nos alans-st a Libråmont.

II. - Wice alez, vos, råskignous,

Ascwatis dins m' schô

Ascwatis dins m' schô ?

Wice alez, vos, raskignous ?

- Monsieu, nos alans disk' a Djiblou.

årmon: pièce de direction des anciens chariots

Libråmont: Libramont (Luxembourg)

raskignou: rossignol

ascwati: blotti

schô: giron, "genoux"

Djiblou: Gembloux

Dissu vosse tcherete

Dissu vosse tcherete ?

Wice alez, vos, troes robetes ?

- Monsieu, nos alans disk' a Limlete.

II. - Wice alez, vos, les troes dzis

So l' tchår do tcheri

So l' tchår do tcheri ?

Wice alez, vos, les troes dzis ?

- Monsieu, nos alans disk' a Mâmdi.

tcherete charette

Limlete: Limelette (Brabant)

dzi: orvet

tchår: chariot

tcheri: hangard à chariot

Mâmdi: Malmedy

Dins vosse vosvaguele

Dins vosse vosvaguele ?

Wice alez, vos, troes damjeles ?

- Monsieu, nos alans disk' a Brussele.

II. - Wice alez, vos, troes colons

So vosse vî becson

So vosse vî becson ?

Wice alez, vos, troes colons ?

- Monsieu, nos, nos alans disk' a Mon.

vosvaguele: petite voiture (surtout la "coccinelle" de Volkswagen)

colon: pigeon

becson: bécane (vieux vélo)

Mon: Mons

Dins vosse noû barou,

Dins vosse noû barou ?

Wice alez, vos, troes tchivrous ?

- Monsieu, nos alans-st a Xhoûtsiplou.

II. - Wice alez, vos, troes boschets

Divins vosse clitchet,

Divins vosse clitchet ?

Wice alez, vos, troes boschets ?

- Monsieu, nos alans-st a Tchålerwè.

noû: nouveau, neuf

barou: charrette a deûx côtés,

Xhoutsiplou: Xhoutesiplou (Manheid / Laroche) lit.: écoute s'il pleut (nom donné aux roues de moulin), par ext., lieu imaginaire

bochet: tique (parasite suceur de sang)

clitchet: sorte de tombereau

Tchålerwè: Charleroi

Dins vosse vete oto,

Dins vosse vete oto ?

Wice alez, vos, troes betche-bos ?

- Monsieu, nos alans disk' a Mûno

II. - Wice alez, vos, troes moxhets

Apîstés so l' toet,

Apîstés so l' toet ?

Wice alez, vos, troes moxhets ?

- Monsieu, nos alans disk' a Serè

betche-bos: pic-vert (lit. becquette-bois)

Mûno; Muno (Florenville)

moxhet: épervier

apîsté: perché

Serè: Seraing (Liège)

Dissu vosse tracteur,

Dissu vosse tracteur ?

Wice alez, moxhes di tchetoere ?

- Monsieu, nos alans disk' a Nameur

II. - Wice alez, moussalignis ?

N' estoz nén trop ptits

N' estoz nén trop ptits ?

Wice alez, moussalignis ?

- Monsieu, nos alans disk' a Paris.

moussaligni (lit. mousse-e-lignî = entre en tas de bois): troglodyte mignon (oiseau)

N' avoz nén pris l' trin,

N' avoz nén pris l' trin ?

Wice alez, vos, troes polins ?

- Monsieu, nos alans disk' a Biarin.

II. - Wice alez, vos, troes cavales

Saetchant vosse tricbale,

Saetchant vosse tricbale ?

Wice alez, vos, troes cavales ?

- Monsieu, nos alans disk' a Nîmal.

Biarin: Beauraing

cavale: jument

tricbale: éfourceau (ancien véhicule à deux roues servant à tirer des troncs d'arbre)

Nîmal: Limal (Brabant).

Dins vosse cwarbiyon,

Dins vosse cwarbiyon ?

Wice alez, vos, troes poyons ?

- Monsieu, nos alans disk' a Bouyon.

II. - Wice alez, vos, troes ptits tchéns

Divins vosse kertin,

Divins vosse kertin ?

Wice alez, vos, troes ptits tchéns ?

- Monsieu, nos alans disk' a Måyin.

poyon: poussin

cwarbiyon: petite corbeille

kertin: panier

Måyin: Maillen (Prov. de Namur)

Inla acaytés,

Inla acaytés ?

Wice alez, vos, troes coshets ?

- Monsieu, nos alans disk' a Lignè.

II. - Wice alez, vos, troes ptits tchets

Insi agadlés,

Insi agadlés ?

Wice alez, vos, troes ptits tchets ?

- Monsieu, nos alans disk' å Ban-bwès.

coshet: petit cochon

inla acayté: accoutré de la sorte.

Lignè: Ligny (Prov. de Namur)

insi agadlé: accoutré de la sorte.

Avou vosse bodet,

Avou vosse bodet ?

Wice alez, vos, troes bådets ?

- Monsieu, nos alans disk' a Bertrès.

Avou vosse bachåle,

Avou vosse bachåle ?

Wice alez, vos, troes wiyåles ?

- Monsieu, nos, nos alans disk' a Yåle.

bodet: petit panier rond.

Bertrès: Bertrix (Prov. du Luxembourg)

wiyåle: buse (rapace)

bachåle: grand panier rectangulaire avec un couvercle et une bretelle, pouvant être baissé pour le remplir de grives ou de poissons

Yåle: Alle-sur-Semois (Prov. de Namur).