Les rpassés tins (ou tins compôzés)

E francès, l' aidant viebe est

Avoir J'ai mangé Elle a chanté Nous avons vécu

Ou

Être Je suis tombé T'es-tu lavé ? Elle est venue

E walon, l' aidant viebe est TOFER, TODI, TOT L' TINS aveur ~ awè ~ oyu...:

Dj' a magnî ~ mindjî Elle a tchanté Nos avans viké Dj' a tcheyou ~ tcheu Dj' a toumé Est çki vos vs avoz lavé ? Elle a vnou Il a morou l' an 1978

NB: Di tenawete, vos poloz awè esse come aidant viebe, mins seulmint avou les viebes d' alaedje. Et l' sins n' est nén tt a fait l' minme: elle est arivêye, asteure ~ elle a arivé aviè ût eures.

Po s' afaiti

Rimetoz ces fråzes ci å passé:

• Dji tchai.
• Dji mougne.
• Ci fime la m' plait bén.
• Elle acorèt sol plaece.
• C' est tot djusse.
• On nel sait prinde.
• On schoûte ene tchanson.
• Les pemes toumèt.
• Djel voe pa dvant vos.
• Nos vnans vey nosse soçon.
• Mi tchén baweye.
• Elle sont scrîtes pa m' mononke.
• Dji va coûtchî.
• Dji dvén vî.
• Ti radjonis.
• Nos nos dispiertans matén.
• Nos nos levans ene miete pus tård.
• Ele si lave.
• Est ç' e 1822 ki Napoleyon mourt?
• Li sapén d' Noyé s' aloume.
• I broke dins s' lét.
• Dji vén po vs dire bondjoû.

• Luçon shuvante.
• Alans rzè al mwaisse-pådje des cours do Noû Lovén.
• Alans rzè al pådje moennrece do walon e scole.