dierin rapontiaedje - last update: 2009-01-15

Dressêye:

Sacwants arimeas

• Li voye do paradis
• Pinsêye di såjhon

Biyografeye

• Si pådje so l' eciclopedeye "Wikipedia"
• Ene ôte pådje da sinne so l' waibe "Li walon d' emon nozôtes"

Pinsêye di såjhon

Les måvas vints d' såjhon

Schoynut

Les åbes e bwès.

Les moitès foyes toumnut

Come ene volêye di påwions

Des echepes di bouyård

Si cotoidnut

Et montnut

Avou les foumires

Des tchminêyes.

Les campagnes sont dseulêyes ;

Les moxhons sont moyas

Ou evoye ritrover l' solea

Les såvaedjès åwes ripasnut :

Li vint frumjheye et shofele dins leus aiyes.

On grand vî ome tot seu

Aspoyî so s' baston

Si dresse å lon

Et waite li såjhon

E sospirant.

Portant,

I sait bén ki tot rpoûsrè

Et ravicrè

Cwand l' ivier serè houte.

Mins lu,

Ou serè-t i ?

Germaine Massart-Tilmant, divins " Li Såverdea " l° 258, octôbe 2008.

 Page des écrivains wallons de la région de La Louvière Li pådje des Ôneatîs