dierin rapontiaedje last update: 2007-05-02.
Nos estans la eto !
(response des Walons a l' afitcha des Brusselwès " Nos egzistans ")
Réponse de Wallonie à l'Appel bruxellois " Nous existons "
Dins èn afitcha ki s' lome " Nos egzistans ", sacwants Brusselwès, di totes les sôres di provnances, riclamnut po Brussele li plaece k' elle a droet el Beldjike ey e l' Urope. I n' vlèt pus ki les Flaminds et les " Francofones " djouwexhe avou leus pîs, et fé siervi Brussele come ene manoye di martchotaedje. Brussele, c' est asteure ene batchrêye di totès sôres di tuzance. Les Brusselwès volnut decider zels-minmes di leu-z avni.
Dans un manifeste portant le titre " Nous existons ", des Bruxellois de toutes langues et de toutes provenances revendiquent aujourd'hui pour leur Cité la place qui doit être la sienne sur la scène belge et européenne. Bruxelles refuse d'être encore plus longtemps une capitale instrumentalisée, et d'être réduite à jouer le seul rôle de petit commun dénominateur. Creuset multiculturel, elle entend être une communauté de destin.
Les Walons sont fén binåjhes di ciste apinse la. Ça fwait ki, nozôtes k' a siné cist afitcha cial, nos ofrixhans ås Brusselwès d' elzès copler dins ç' moumint istorike ci. Åresse, nos fréns parey avou les Flaminds, s' i vôrént esse co pus foirt leu mwaisse.
La Wallonie ne peut que se réjouir de cette affirmation. Et par la voix des signataires de la présente, elle s'offre comme partenaire en ce moment historique, de même qu'elle tend loyalement la main à une Flandre elle aussi maîtresse d'elle-même.
Dins ci "rprindaedje di leus mayes" la, ki les troes Redjons (eyet l' Kiminålté tîxhon-cåzante avou) vicnut pol moumint, gn a on mwaisse role a leyî djouwer al tuzance (culteure). Dins l' istwere, on voet bén ki tos les peupes k' ont basti ene nåcion, ont sayî di diswalper leu prôpe lingaedje et leu prôpe tuzance.
Dans le mouvement de réappropriation que vivent les Régions fédérées de chez nous et la Communauté germanophone, la culture doit jouer un rôle capital. L'histoire ne connaît pas d'exemple de société qui se soit affirmée sans disposer d'un langage propre.
Po rdiswalper nosse Walonreye, i fåt rwaitî l' culteure come ene des pus pouxhantès djîsses k' i gn åye. Li tuzance walone, on l' voet ddja bén aspiter dins des scrijhaedjes, des pîces di teyåte, des tchansons, des fimes, des emissions tévé. Cisse tuzance walone la, on l' sint eto abrotchî, la k' les djins ervont a scole, la k' des movmints sont metous so pî po lûter pol djustice eyet l' democraçreye.
Dans le travail de redressement auquel la Wallonie est appelée, la culture sera un des leviers les plus puissants. La parole qu'elle élabore pour se dire se fait déjà entendre. On l'entend dans des textes, des pièces de théâtre, des chansons, des films, des émissions télévisées. Mais on l'entend aussi dans ces lieux où des citoyens se forment, ou dans des groupes qui luttent pour la justice et la démocratie.
Cisse tuzance la ni djåze nén del Walonreye come d' on vî stok Ele waite li Walonreye a môde d' ene vigreuse plante : ene societé k' a ene istwere, ki vike å djoû d' ouy, et ki raguide si avni. Ene soce di djins ki n' loukèt nén seulmint après l' vî vî tins, mins ki dviznut di leus pordjets po dmwin.
Cette culture, en effet, ne parle pas de la Wallonie comme d'une essence, mais bien comme d'une société dotée d'une histoire, vivant un présent, et se projetant dans l'avenir. Une société où vivent et travaillent des hommes et des femmes ne se définissant pas par leur seule mémoire, mais aussi par leurs projets.
Cisse tuzance la ni pout esse ki grand å lådje. Kimint pôreut i esse ôtmint ? Dispu todi, gn a des femes et des omes k' ont aplovou el Walonreye. Did mon les Flaminds po cmincî, adonpwis, foû des Payis del Mîtrinne Mer, et après, co did pus lon. Ces abagants la ont pårti les rascråwes et les djoyes des "vîs" Walons. Et ci acmaxhaedje la, les Walones et les Walons el kinoxhnut si bén dins leu vicåreye di tos les djoûs ki, kécfeye, i rovièt d' endè cåzer.
Cette culture ne peut être qu'ouverte. Comment pourrait-il en aller autrement ? De tous temps, des femmes et des hommes sont venus d'ailleurs - du Nord d'abord, puis du Sud méditerranéen, d'autres continents enfin - sont venus pour partager les peines et les joies des Wallonnes et des Wallons. Cet apport a fructifié. Et a donné une tradition de multiculturalisme, si bien vécue au quotidien qu'elle omet parfois de se dire.
L' afitcha des Brusselwès nos dene l' ocåzion di rdire li nosse so tos ces ponts la, sins mirlifitche.
La prise de parole bruxelloise offre l'occasion nouvelle d'une discussion franche sur tous ces thèmes.
Ådjourdu, nosse sistinme federå est 35 ans vî; si est i schayete. Il ahesse les Flaminds, po çou k' est d' leu tuzance; il ahesse les Walons, po çou k' est d' leu-z economeye. Asteure, dins les Institucions del Redjon walone, gn a des djins capåbes assez po poleur ascoyî des novelès competinces, sins rujhes. (C' est, metans, li govienmint walon k' a adiercî ene pactêye di candjmints dins l' manaedjmint des provinces et des comenes. Dins on payis la k' les droets des comenes, c' esteut come ene sacwè rlidjeuse, on pout dire ki, ene sifwaite avanceye, c' est come ene pitite revolucion, ey ene fele ascoxheye democratike.)
Le fédéralisme belge, pensé depuis un siècle et mis en oeuvre depuis 35 ans, produit très élaboré issu de la rencontre des aspirations culturelles flamandes et des revendications socio-économiques wallonnes, est assurément aujourd'hui un système mûr. Pour la Wallonie, les institutions régionales ont atteint une masse critique leur permettant d'absorber tout transfert de compétences sans difficultés majeures. (C'est par exemple le gouvernement wallon qui a réformé le plus profondément les pouvoirs locaux, provinces et communes. Dans un pays où de toute éternité l'autonomie locale est sacralisée, cette avancée démocratique est révolutionnaire).
Mins ci federalisse la, avou les Flaminds d' on costé et les Walons d' l' ôte, il a stofé Brussele, et l' resserer dins ene sitroete eclôzeure. Il a fwait djouwer ås lingaedjes oficirs, purade li francès et l' neyerlandès, des roles ki n' vont nén avou les societés cosmopolites d' enute. Mins aprume, ça a fwait ki les cis k' estént mwaisses del tuzance s' ont siervou di ciste åre la d' ene manire ki n' a ahåyî ni Brussele, ni l' Walonreye. Po Brussele, on n' a måy veyou k' ene contrumasse di clapantès reyalizåcions cultureles provnént di cisse redjon la. Pol Walonreye, c' est co pus pire. on lyi a clapé l' betch, platezak. Et minme li spani des kékès usteyes k' elle aveut, come ça a stî l' cas cwand on-z a disminbridjî l' RTBF - ké måleur, èn efant !
Li rzultat, on l' voet bén tos les djoûs. Pol Walonreye, Brussele, c' est ene societé ki bodje, mins c' est eto ene grandiveuse administråcion, metowe fén lon d' ses administrés. Po mwints Brusselwès, les Walons sont ses Ancyins Bedjes, racrapotés so zels-minmes, erirés ådla, retrôclés pår.
Mais ce fédéralisme-là, dans son expression bicommunataire, a étouffé Bruxelles dans un carcan, et a donné à la langue un rôle peu compatible avec le caractère cosmopolite de nos sociétés ; surtout, il a fait que les flux culturels ont été orientés par des forces qui n'ont servi ni Bruxelles ni la Wallonie. Ces forces néfastes ont en effet largement empêché que l'on perçoive l'identité du lieu de création vivante et puissante qu'est la première, et interdit à la seconde de se doter des instruments devant lui permettre de prendre la parole (quand elle ne lui ont pas arraché les quelques outils dont elle disposait encore ; le démembrement de la RTBF est à cet égard une tragédie). Le résultat est connu : en Wallonie, Bruxelles est souvent perçue non comme le cœur d'une société en mouvement, mais comme le siège d'une administration lointaine et hautaine, et la Wallonie est vue à Bruxelles comme une province aux mœurs archaïques.
Ci manke di ricnoxhance essegnrece la, c' est ene sacwè ki fwait do toirt al Walonreye. Et, shuvanmint, mete des hames ezès musteas des ôtès redjons k' ovrèt avou. Li pordjet politike del Walonreye, c' est fok di l' economike. K' i våye ! Mins li govienmint walon pôrè tuzer et ratuzer tos les plans d' rasnaedje k' i vout, sins on soûmint culturel et morå, i n' såreut måy ki fé berwete.
Ce déficit symbolique est dommageable à la Wallonie, et, partant, porte atteinte au dynamisme de ses partenaires. Le projet wallon continue à être centré sur le socio-économique. C'est certes à bon droit. Mais le gouvernement wallon pourra imaginer tous les plans de redressement qu'il veut : sans référents culturels et moraux, il ne pourra qu'échouer.
Po rinde leu degnté åzès cis ki vikèt et ovrèt el Walonreye, i fåt ene politike culturele responsåve, aprume dins les medias et l' acsegnmint. Les cotuzeus del Walonreye dimandnut après ene sifwaite politike, dispu bele ådje.
Rendre leur dignité à ceux qui vivent et travaillent en Wallonie suppose en effet une politique culturelle responsable, s'exerçant notamment dans le domaine des médias et de l'enseignement. Les intellectuels de Wallonie en appellent d'ailleurs à une telle politique depuis des années.
Come les sineus brusselwès di l' afitcha "Nos egzistans", nozôtes avou, dji pinsans k' il est grand tins do mete ås riketes ene Beldjike avou deus cminåltés ki s' riwaitèt come des tchéns d' barakî. Si nos fåt i leyî diswalper, ene astok di l' ôte, les troes Redjons do payis, tchaeke avou si idintité da sinne, et des binovrantès institucions. Å moumint k' on va kécfeye retcherpinter l' Beldjike, nos dmandans ås cis ki ça compete, di tuzer pus lon kel betchete di leus solés. Li cowaidance inte les Walons et les Brusselwès ni doet nén di tote foice passer pa des institucions ki fjhèt les cwanses di n' nén vey k' i sont la. Nos priyans tos les cis k' on-z a vôté por zels a pinser çouci : c' est pol bén des Walons come des Brusselwès si on lzî foirdjeye des nouvès usteyes ki waerantixhront leu-z avni.
Comme les signataires bruxellois du Manifeste " Nous existons ", nous pensons " qu'il est grand temps de laisser pour de bon derrière nous une Belgique où deux Communautés se font face, pour permettre que les trois Régions du pays s'épanouissent côte à côte, chacune avec une identité propre et des institutions efficaces ". A l'heure où des négociations se préparent, qui vont engager l'avenir de ces trois Régions, nous en appelons à l'imagination. La solidarité des Wallons et des Bruxellois ne doit pas obligatoirement prendre la forme d'institutions communes qui les nient les uns et les autres. Nous en appelons à tous les mandataires responsables : qu'ils soient conscients qu'il est de l'intérêt des Wallons comme des Bruxellois de se donner les instruments qui garantiront leur avenir.